# நகராட்சி நிர்வாகம், ஊரக வளர்ச்சி, குடிநீர் வழங்கல் மற்றும் கோடைக்கால குடிநீர் விநியோகம் குறித்த ஆய்வுக் கூட்டம்

> மாண்புமிகு முதலமைச்சர் திரு. ச. ஜோசப் விஜய் அவர்கள் தலைமையில் இன்று தலைமைச் செயலகத்தில், நகராட்சி நிர்வாகம் மற்றும் குடிநீர் வழங்கல் துறை, ஊரக வளர்ச்சி மற்றும் ஊராட்சித் துறை செயல்பாடுகள் மற்றும் கோடைக்கால குடிநீர் விநியோகம் குறித்து ஆய்வுக்கூட்டம் நடைபெற்றது.
- **Published**: 2026-05-12
- **URL**: https://news.nammamap.in/press-release/21712-municipal-administration-rural-development-water-supply-summer

---

பெருநகர சென்னை மாநகராட்சி உள்ளிட்ட அனைத்து மாவட்டங்களிலும் குடிநீர் வழங்கலில் உள்ள இடர்பாடுகளை போர்க்கால அடிப்படையில் களையவும், லாரிகள் மூலமாகவும், புதிய ஆழ்துளை கிணறுகள் அமைத்தும், மாற்று ஏற்பாடுகள் செய்தும் சீரான குடிநீர் விநியோகம் செய்திட உடனடி நடவடிக்கை எடுக்க வேண்டும்.

அனைத்து மாவட்ட ஆட்சித் தலைவர்களும் திங்கட்கிழமைதோறும் குடிநீர் விநியோகத்தை ஆய்வு செய்து தொடர் கண்காணிப்பு பணிகளை மேற்கொள்ள வேண்டும்.

எதிர்வரும் மழைக்காலத்தினை கருத்தில் கொண்டு, தூர்வாரும் பணிகள் மற்றும் வெள்ளத்தடுப்புப் பணிகளை துரிதப்படுத்தி காலதாமதமின்றி தொடங்க பெருநகர சென்னை மாநகராட்சி மற்றும் உள்ளாட்சி அமைப்புகளுக்கு அறிவுறுத்தினார்.
---
- [All articles](https://news.nammamap.in/press-release)