# மாண்புமிகு மதுவிலக்கு மற்றும் ஆயத்தீர்வைத் துறை அமைச்சர் திரு.க. விக்னேஷ் அவர்கள் 717 டாஸ்மாக் மதுபான கடைகள் மூடுவது குறித்து ஆய்வு நடத்தினார்

> மாண்புமிகு மதுவிலக்கு மற்றும் ஆயத்தீர்வைத் துறை அமைச்சர் திரு.க. விக்னேஷ் அவர்கள், தமிழ்நாடு முதலமைச்சர் அவர்களால் மூடப்பட உத்தரவிடப்பட்ட 717 டாஸ்மாக் மதுபான கடைகள் மூடுவது குறித்து ஆய்வு நடத்தினார். இதுவரை 436 கடைகள் மூடப்பட்டுள்ளன.
- **Published**: 2026-05-23
- **URL**: https://news.nammamap.in/press-release/21786-k-vignesh-reviewed-closure-717-tasmac-liquor-shops

---

மாண்புமிகு தமிழ்நாடு முதலமைச்சர் அவர்களால் கல்வி நிலையங்கள், வழிபாட்டுத்தலங்கள் மற்றும் பேருந்து நிலையங்கள் அருகில் உள்ள 717 மதுபான சில்லறை விற்பனை கடைகளை மூடிட அரசாணை பிறப்பிக்கப்பட்டது.

இன்று வரை 436 மதுபான சில்லறை விற்பனைக் கடைகளும் அவற்றுடன் இணைந்துள்ள மதுக்கூடங்களும் மூடப்பட்டுள்ளன.

மீதமுள்ள மதுபான சில்லறை விற்பனைக் கடைகள் மற்றும் அதனுடன் இணைந்த மதுக்கூடங்களை மூடுவதற்கு துரித நடவடிக்கை மேற்கொள்ளுமாறு அதிகாரிகளுக்கு அறிவுறுத்தப்பட்டது.

மூடப்பட்ட மதுபான சில்லறை விற்பனைக் கடைகளில் பணிபுரிந்து வந்த கடைப்பணியாளர்கள் அருகிலுள்ள மதுபான சில்லறை விற்பனைக் கடைகளில் மீள பணியமர்த்தப்படுவார்கள்.

அனைத்து மதுபான சில்லறை விற்பனைக் கடைகள் மற்றும் அதனுடன் இணைந்துள்ள மதுக்கூடங்கள் இரவு 10.00 மணிக்கு மூடப்பட வேண்டும்.

அதிகபட்ச சில்லறை விற்பனை விலையை விட கூடுதல் விலைக்கு விற்கும் கடைப்பணியாளர்கள் மீது தக்க நடவடிக்கை எடுக்கப்படும்.
---
- [All articles](https://news.nammamap.in/press-release)