# தமிழ்நாட்டில் அத்தியாவசியப் பொருட்களின் தடையற்ற விநியோகத்தை உறுதி செய்யும் பொருட்டு சன்னரக அரிசி கிலோ ரூ.30/-க்கு அமுதம் மற்றும் கூட்டுறவு அங்காடிகள் மூலம் விற்பனை

> எல்-நினோவால் ஏற்பட்ட விலை உயர்வை சமாளிக்கவும், அத்தியாவசியப் பொருட்களின் நிலையான விநியோகத்தை உறுதி செய்யவும், தமிழ்நாடு அரசு கூட்டுறவு மற்றும் அமுதம் அங்காடிகள் மூலம் சன்னரக அரிசியை கிலோ ரூ.30க்கும், துவரம் பருப்பை கிலோ ரூ.130க்கும் விற்பனை செய்வதாக அறிவித்துள்ளது.
- **Published**: 2026-10-15
- **URL**: https://news.nammamap.in/press-release/22746-tamil-nadu-essential-commodities-price-control

---

201 கூட்டுறவு கடைகள் மற்றும் 49 அமுதம் அங்காடிகள் மூலம் 25,000 மெட்ரிக் டன் சன்னரக அரிசி கிலோ ரூ.30க்கு விற்பனை.

250 அமுதம் மற்றும் கூட்டுறவு அங்காடிகள் மூலம் 500 மெட்ரிக் டன் துவரம் பருப்பு கிலோ ரூ.130க்கு விற்பனை.

அடுத்த ஓராண்டிற்கு நியாய விலைக் கடைகள் மூலம் அரிசி தடையின்றி வழங்கப்படுவதை உறுதி செய்தல்.

சர்க்கரை, பாமாயில் மற்றும் பருப்பு ஆகியவற்றிற்கு அடுத்த மூன்று மாதங்களுக்குத் தேவையான இருப்பு உறுதி செய்தல்.

சந்தை விலை அதிகமாக இருக்கும்போது வெங்காயத்தை கிலோ ரூ.35க்கு தொடர்ந்து விற்பனை செய்தல்.

மாவட்ட அளவிலான விலை கண்காணிப்புக் குழுக்கள் அமைத்தல்.

அத்தியாவசியப் பொருட்களின் பதுக்கல் மற்றும் கள்ளச்சந்தையை கண்காணிக்கவும் நடவடிக்கை எடுக்கவும் குடிமைப் பொருள் குற்றப்புலனாய்வுத் துறை காவல் அதிகாரிகளுக்கு உத்தரவு.
---
- [All articles](https://news.nammamap.in/press-release)