# மாண்புமிகு தமிழ்நாடு முதலமைச்சர் திரு.ச.ஜோசப் விஜய் அவர்கள் வடகிழக்குப் பருவமழையினை முன்னிட்டு பெருநகர சென்னை மாநகராட்சியில் மேற்கொள்ளப்பட்டுள்ள முன்னெச்சரிக்கை நடவடிக்கை குறித்தும் ஒருங்கிணைந்த கட்டளை மற்றும் கட்டுப்பாட்டு மையத்தினைப் பார்வையிட்டும் இன்று ஆய்வு மேற்கொண்டார்.

> மாண்புமிகு தமிழ்நாடு முதலமைச்சர் திரு.ச.ஜோசப் விஜய் அவர்கள் இன்று (18.10.2026) பெருநகர சென்னை மாநகராட்சியின் ரிப்பன் மாளிகையில், வடகிழக்குப் பருவமழையினை முன்னிட்டு பெருநகர சென்னை மாநகராட்சியில் மேற்கொள்ளப்பட்டுள்ள முன்னெச்சரிக்கை நடவடிக்கை குறித்து மாண்புமிகு அமைச்சர் பெருமக்கள் மற்றும் உயர் அலுவலர்களுடன் ஆய்வு மேற்கொண்டார். ஒருங்கிணைந்த கட்டளை மற்றும் கட்டுப்பாட்டு மையத்தினைப் பார்வையிட்டு, மழைநீர் அகற்றம், மரக்கிளைகள் அகற்றம், நிவாரண மையங்கள், சுரங்கப்பாதைகள், மீட்பு உபகரணங்கள் மற்றும் உணவு வழங்கல் குறித்து கேட்டறிந்து, அதிகாரிகளுக்கு அறிவுறுத்தினார்.
- **Published**: 2026-10-18
- **URL**: https://news.nammamap.in/press-release/22767-cm-inspects-monsoon-preparedness-chennai

---

மாண்புமிகு முதலமைச்சர் திரு.ச.ஜோசப் விஜய் அவர்கள் பெருநகர சென்னை மாநகராட்சியில் வடகிழக்குப் பருவமழை முன்னெச்சரிக்கை நடவடிக்கைகளை ஆய்வு செய்தார்.

முதலமைச்சர் அவர்கள் சென்னை ரிப்பன் மாளிகையில் உள்ள ஒருங்கிணைந்த கட்டளை மற்றும் கட்டுப்பாட்டு மையத்தினைப் பார்வையிட்டார்.

மழை அளவு விவரங்கள், சுரங்கப்பாதைகள், கால்வாய்கள், ஆறுகளின் முகத்துவாரங்களில் கண்காணிப்பு நடவடிக்கைகள் மற்றும் பொதுமக்கள் புகார்கள் மீது எடுக்கப்பட்ட நடவடிக்கைகள் குறித்து ஆய்வு செய்தார்.

பொதுமக்கள் புகார்கள் மீது உடனுக்குடன் துரித நடவடிக்கை எடுக்க அலுவலர்களுக்கு அறிவுறுத்தினார்.

சமீபத்தில் பெய்த கனமழையினைத் தொடர்ந்து சிறப்பாக பணியாற்றிய மாநகராட்சி அலுவலர்கள் மற்றும் இதர துறைகளைச் சேர்ந்த அலுவலர்களுக்கு முதலமைச்சர் தனது பாராட்டுகளைத் தெரிவித்தார்.

அதிகனமழை எச்சரிக்கையை முன்னிட்டு அனைத்து துறைகளும் ஒருங்கிணைந்து மேலும் சிறப்பாக பணிகளை மேற்கொள்ள அறிவுறுத்தினார்.

மாநகராட்சியின் சார்பில் 13,500 நபர்களுக்கு உணவு வழங்கப்பட்டுள்ளது.

35 நீர் தேங்கிய இடங்களில் மோட்டார் பம்புகள் மூலம் மழைநீர் விரைந்து வெளியேற்றப்பட்டது.

22 இடங்களில் விழுந்த மரங்கள் உடனடியாக அகற்றப்பட்டு, போக்குவரத்து சீர் செய்யப்பட்டது.

தாழ்வான பகுதிகளில் வசிக்கும் பொதுமக்களை தங்க வைப்பதற்காக 227 தற்காலிக நிவாரண மையங்கள் தயார் நிலையில் உள்ளன.

22 சுரங்கப்பாதைகளில் மழைநீர் உடனுக்குடன் அகற்றப்பட்டு, சீரான போக்குவரத்து உறுதி செய்யப்பட்டுள்ளது.

மீட்பு மற்றும் நிவாரணப் பணிகளுக்காக 1,189 வாகனங்கள் மற்றும் இயந்திரங்கள், பல்வேறு வகையான மோட்டார் பம்புகள், மர அறுவை இயந்திரங்கள் மற்றும் படகுகள் தயார்நிலையில் வைக்கப்பட்டுள்ளன.

227 நிவாரண முகாம்களுக்கு உணவு தயாரித்து வழங்குவதற்காக தேவையான உணவுப் பொருட்களின் இருப்புடன் 112 மைய சமையல் கூடங்கள் தயார்நிலையில் வைக்கப்பட்டுள்ளன.
---
- [All articles](https://news.nammamap.in/press-release)