# தீபாவளிப் பண்டிகையை முன்னிட்டு அனைத்து குடும்ப அட்டைதாரர்களுக்கும் நியாயவிலைக் கடைகளில் அனைத்து அத்தியாவசியப் பொருட்கள் கிடைப்பதை உறுதி செய்யுமாறு மாண்புமிகு உணவு மற்றும் உணவுப் பொருள் வழங்கல் துறை அமைச்சர் திரு.ப. வெங்கடரமணன் அவர்கள் அறிவுறுத்தியுள்ளார்

> தீபாவளி பண்டிகையை முன்னிட்டு, உணவு மற்றும் உணவுப் பொருள் வழங்கல் துறை அமைச்சர் திரு. ப.வெங்கடரமணன், அனைத்து குடும்ப அட்டைதாரர்களுக்கும் நியாயவிலைக் கடைகளில் அத்தியாவசியப் பொருட்கள் தடையின்றி கிடைப்பதை உறுதி செய்யுமாறு அதிகாரிகளுக்கு அறிவுறுத்தினார். நவம்பர் 2026 மாதத்திற்கான அத்தியாவசியப் பொருட்கள் முழுமையாக ஒதுக்கீடு செய்யப்பட்டு, அனைத்து மாவட்டங்களிலும் போதுமான இருப்பு வைக்கப்பட்டுள்ளது.
- **Published**: 2026-11-03
- **URL**: https://news.nammamap.in/press-release/22911-diwali-essential-commodities-ration-cardholders-tamil-nadu

---

தீபாவளிப் பண்டிகையை முன்னிட்டு அனைத்து குடும்ப அட்டைதாரர்களுக்கும் நியாயவிலைக் கடைகளில் அனைத்து அத்தியாவசியப் பொருட்கள் கிடைப்பதை உறுதி செய்யுமாறு அமைச்சர் அறிவுறுத்தியுள்ளார்.

01.11.2026 முதல் அனைத்து அட்டைதாரர்களும் பயன்பெறும் வகையில் 2026-ஆம் ஆண்டு நவம்பர் மாதத்திற்கான அத்தியாவசியப் பொருட்கள் முழுமையாக ஒதுக்கீடு செய்யப்பட்டுள்ளன.

தீபாவளி பண்டிகையை கருத்தில் கொண்டு, அத்தியாவசியப் பொருட்கள் முன்நகர்வு கடந்த மாதம் 16ஆம் தேதி முதல் தொடங்கப்பட்டு அனைத்து மாவட்டங்களிலும் போதுமான அளவு இருப்பு வைக்கப்பட்டுள்ளது.

குடும்ப அட்டைதாரர்கள் அரிசி, கோதுமை, சர்க்கரை, துவரம் பருப்பு மற்றும் பாமாலின் ஆகிய அத்தியாவசியப் பொருட்கள் அனைத்தையும் பெற்றுக்கொள்ளலாம்.

அத்தியாவசியப் பொருட்களைப் பெறுவதில் சிரமம் ஏதேனும் இருப்பின் ஆணையாளர் அலுவலக இலவச உதவி மைய எண் 1967 அல்லது உணவுப் பொருள் வழங்கல் துறையின் இணையதளம் www.tnpds.gov.in வாயிலாகவோ தங்களது புகார்களைத் தெரிவிக்கலாம்.
---
- [All articles](https://news.nammamap.in/press-release)