மாண்புமிகு தொழிலாளர் நலன் மற்றும் திறன் மேம்பாட்டுத் துறை அமைச்சர் திரு. ஜா. முகமது பர்வேஸ் அவர்கள் இன்று (22.06.2026) தமிழ்நாடு சட்டமன்றப் பேரவையில் திருவள்ளூர் மாவட்டம், ஊத்துக்கோட்டை வட்டம், கன்னிகைபேர் கிராமத்தில் அமைந்துள்ள தனியார் தொழிற்சாலையில் எதிர்பாராத விதமாக ஏற்பட்ட விபத்து குறித்து சட்டப்பேரவை விதி 110-ன்கீழ் அளித்த அறிக்கை
திருவள்ளூர் மாவட்டம், கன்னிகைபேர் கிராமத்தில் உள்ள தனியார் கடல் உணவு பதப்படுத்தும் தொழிற்சாலையில் அமோனியா வாயு கசிவு ஏற்பட்டு 5 பெண்கள் உயிரிழந்தனர். முதலமைச்சர் உயிரிழந்தோர் குடும்பங்களுக்கு நிவாரணம் மற்றும் பாதிக்கப்பட்டோருக்கு தீவிர சிகிச்சை வழங்க உத்தரவிட்டுள்ளார்.
விரிவான சுருக்கம்
திருவள்ளூர் மாவட்டம், ஊத்துக்கோட்டை வட்டம், பெரியபாளையம் அருகே கன்னிகைபேர் கிராமத்தில் அமைந்துள்ள St Peter & Paul Sea Food Exports Private Limited (பதிவு எண்: TVR08603) என்ற தனியார் கடல் உணவுகளை பதப்படுத்தும் தொழிற்சாலையில், 21.06.2026 அன்று ice flakes generator machine-க்கு செல்லும் பைப்லைன் வால்வில் எதிர்பாராத விதமாக ஏற்பட்ட விபத்தின் காரணமாக அமோனியா வாயு கசிவு ஏற்பட்டது. இவ்விபத்தில் அங்கு பணியாற்றிய மற்றும் வளாகத்தில் தங்கியிருந்த 74 நபர்கள் (70 பெண்கள், 4 ஆண்கள்) பாதிக்கப்பட்டு, துரதிருஷ்டவசமாக 5 பெண்கள் உயிரிழந்தனர். பாதிக்கப்பட்டவர்களில் 15 நபர்கள் அரசு மருத்துவமனையிலும், 27 நபர்கள் தனியார் மருத்துவமனைகளில் தீவிர சிகிச்சை பிரிவிலும், மேலும் 27 நபர்கள் சாதாரண சிகிச்சையிலும் அனுமதிக்கப்பட்டு வருகின்றனர். மாண்புமிகு முதலமைச்சர் அவர்கள் உயிரிழந்தோர் குடும்பங்களுக்கு முதலமைச்சர் பொது நிவாரண நிதியிலிருந்து தலா ரூ. 2 இலட்சம் வழங்கவும், அவர்களின் உடல்களை சொந்த மாநிலத்திற்கு அனுப்பி, நல்லடக்கம் செய்வதற்கான செலவை அரசே மேற்கொள்ளவும் உத்தரவிட்டுள்ளார். மேலும், மருத்துவமனையில் அனுமதிக்கப்பட்டுள்ள நபர்களுக்கு சிறப்பான மற்றும் தீவிர சிகிச்சை வழங்கவும், விபத்தில் உயிரிழந்த மற்றும் பாதிக்கப்பட்ட தொழிலாளர்களுக்கு தொழிலாளர்கள் மாநில ஈட்டுறுதி காப்பீட்டு திட்டம் (ESI) மற்றும் வருங்கால வைப்பு நிதி (PF) பயன்களை உடனடியாக வழங்கவும் உத்தரவிட்டுள்ளார். இவ்விபத்து குறித்து தொழிலக பாதுகாப்பு மற்றும் சுகாதாரத் துறை, பொது சுகாதாரத் துறை மற்றும் தமிழ்நாடு மாசு கட்டுப்பாடு வாரியத்தின் உறுப்பினர்-செயலர் ஆகியோர் 24 மணி நேரத்திற்குள் ஆரம்ப அறிக்கையையும், 3 நாட்களுக்குள் முழுமையான விசாரணை அறிக்கையையும் சமர்ப்பிக்கவும், எதிர்காலத்தில் இதுபோன்ற விபத்துகளைத் தவிர்க்க Hazardous Industries-களை உடனடியாக ஆய்வு செய்ய ஒரு குழு அமைக்கவும் மாண்புமிகு முதலமைச்சர் அவர்கள் உத்தரவிட்டுள்ளார்.
முக்கிய அறிவிப்புகள்
- 1உயிரிழந்தோர் குடும்பங்களுக்கு தலா ரூ. 2 இலட்சம் நிவாரணம்
- 2உடல்களை சொந்த மாநிலத்திற்கு அனுப்பி, நல்லடக்கம் செய்வதற்கான செலவை அரசே ஏற்கும்
- 3மருத்துவமனையில் அனுமதிக்கப்பட்டுள்ளவர்களுக்கு தீவிர சிகிச்சை அளிக்க உத்தரவு
- 4பாதிக்கப்பட்ட தொழிலாளர்களுக்கு ESI மற்றும் PF பயன்களை உடனடியாக வழங்க உத்தரவு
- 5விபத்து குறித்து 24 மணி நேரத்திற்குள் ஆரம்ப அறிக்கை மற்றும் 3 நாட்களுக்குள் முழுமையான விசாரணை அறிக்கை சமர்ப்பிக்க உத்தரவு
- 6Hazardous Industries-களை ஆய்வு செய்ய குழு அமைக்க உத்தரவு