விளையாட்டு வீரர்கள் அனைவரும் உயர் கல்வியை கண்டிப்பாக நிறைவு செய்யவேண்டும். மாண்புமிகு பொதுப்பணி மற்றும் விளையாட்டுத் துறை அமைச்சர் திரு. ஆதவ் அர்ஜூனா அவர்கள் தகவல்.
அகில இந்திய அளவிலான 18 வயதுக்குட்பட்டோருக்கான கூடைப்பந்து போட்டிகளில் பங்கேற்கவுள்ள தமிழ்நாடு ஜூனியர் கூடைப்பந்து ஆண்கள் மற்றும் பெண்கள் அணியினர், மாண்புமிகு பொதுப்பணி மற்றும் விளையாட்டுத் துறை அமைச்சர் திரு. ஆதவ் அர்ஜூனா அவர்களை சந்தித்து வாழ்த்து பெற்றனர். அப்போது அமைச்சர், விளையாட்டு வீரர்கள் உயர் கல்வியை கட்டாயம் முடிக்க வேண்டும் என வலியுறுத்தினார்.
விரிவான சுருக்கம்
புதுச்சேரியில் வரும் 22.05.2026 முதல் 29.05.2026 வரை நடைபெறவுள்ள அகில இந்திய அளவிலான 18 வயதுக்குட்பட்டோருக்கான கூடைப்பந்து போட்டிகளில் பங்கேற்கவுள்ள தமிழ்நாடு ஜூனியர் கூடைப்பந்து ஆண்கள் மற்றும் பெண்கள் அணியினர், சென்னை நேரு உள்விளையாட்டரங்கில், இன்று (20.05.2026) மாண்புமிகு பொதுப்பணி மற்றும் விளையாட்டுத் துறை அமைச்சர் திரு. ஆதவ் அர்ஜூனா அவர்களை சந்தித்து வாழ்த்து பெற்றனர். அப்போது பேசிய அமைச்சர், தமிழ்நாடு முதலமைச்சர் இளைய தலைமுறையினரின் முன்னேற்றத்தில் தனி கவனம் செலுத்துவதாகவும், விளையாட்டு வீரர், வீராங்கனைகளை சாதனையாளர்களாக மாற்றிட தொலைநோக்கு செயல்திட்டங்களை வகுத்து வருவதாகவும் கூறினார். தான் ஒரு முன்னாள் கூடைப்பந்து வீரர் என்பதை நினைவுபடுத்தி, விளையாட்டு வீரர்கள் உயர் கல்வியை கண்டிப்பாக நிறைவு செய்தால் மட்டுமே உயர் அலுவலர்கள் நிலையிலான பணியினை பெற முடியும் என வலியுறுத்தினார். மேலும், போட்டியாளர்கள் சிறப்பாக விளையாடி தமிழ்நாட்டிற்கும் பயிற்சியாளர்களுக்கும், பெற்றோருக்கும் பெருமை சேர்க்க வேண்டும் என வாழ்த்தினார். இப்போட்டிகளை நேரில் பார்க்கவும் திட்டமிட்டுள்ளதாகவும் தெரிவித்தார். இந்நிகழ்ச்சியில் இளைஞர் நலன் மற்றும் விளையாட்டு மேம்பாட்டுத்துறை அரசு செயலாளர் திரு. சஜ்ஜன்சிங் ரா சவான், இ.ஆ.ப., தமிழ்நாடு விளையாட்டு மேம்பாட்டு ஆணைய உறுப்பினர் செயலர் திரு. ஜெ. மேகநாத ரெட்டி, இ.ஆ.ப., மாவட்ட வருவாய் அலுவலர் மரு. ரா. சுமன், பொது மேலாளர் திருமதி. எல். சுஜாதா, தமிழ்நாடு கூடைப்பந்து சங்கத்தின் பொருளாளர் திரு. பாலமுருகன் மற்றும் அணிகளின் பயிற்றுநர்கள் உடனிருந்தனர்.
முக்கிய அறிவிப்புகள்
- 1விளையாட்டு வீரர்கள் அனைவரும் உயர் கல்வியை கண்டிப்பாக நிறைவு செய்தால் மட்டுமே விளையாட்டுத் துறை பணி ஒதுக்கீட்டின் போது உயர் அலுவலர்கள் நிலையிலான பணியினை தேர்வு செய்ய முடியும்.
- 2தமிழ்நாடு முதலமைச்சர் அவர்கள் இளைய தலைமுறையினரின் முன்னேற்றத்தில் தனி கவனம் செலுத்தி வருகிறார்கள்.
- 3விளையாட்டுத் துறை வீரர்கள் மற்றும் வீராங்கனைகளை சாதனையாளர்களாக மாற்றிட தொலைநோக்கு செயல்திட்டங்களை வகுத்து வருகிறது.
- 4அகில இந்திய அளவிலான 18 வயதுக்குட்பட்டோருக்கான கூடைப்பந்து போட்டிகள் புதுச்சேரியில் வரும் 22.05.2026 முதல் 29.05.2026 வரை நடைபெறவுள்ளது.
- 5மாண்புமிகு விளையாட்டுத் துறை அமைச்சர் திரு. ஆதவ் அர்ஜூனா கூடைப்பந்து போட்டிகளை நேரில் காண திட்டமிட்டுள்ளார்.