#Chennai
தமிழ்நாடு அரசால் வெளியிடப்பட்ட Chennai குறிச்சொல் கொண்ட அனைத்து செய்திகள் மற்றும் அறிவிப்புகளை இங்கே காணுங்கள்.
மாண்புமிகு தமிழ்நாடு முதலமைச்சர் திரு. ச. ஜோசப் விஜய் அவர்கள் செம்பரம்பாக்கம் ஏரியை நேரில் பார்வையிட்டு ஆய்வு மேற்கொண்டார்.
மாண்புமிகு தமிழ்நாடு முதலமைச்சர் திரு. ச.ஜோசப் விஜய் அவர்கள் இன்று (26.10.2026), காஞ்சிபுரம் மாவட்டம், குன்றத்தூர் வட்டத்தில் அமைந்துள்ள செம்பரம்பாக்கம் ஏரியின் மதகுநீர்த் திறப்புகள், நீரெடுப்புக் கோபுரம், கரைப் பகுதிகளை நேரில் பார்வையிட்டு, ஏரியின் தற்போதைய நீர்மட்டம், நீர்வரத்து, வெளியேற்றம் மற்றும் வெள்ளத் தாங்கு இருப்பு குறித்து நீர்வளத்துறை அலுவலர்களிடம் விரிவாக ஆய்வு மேற்கொண்டார்.
மாண்புமிகு பள்ளிக்கல்வி, தமிழ் வளர்ச்சி, செய்தி மற்றும் விளம்பரத் துறை அமைச்சர் திரு. ராஜ்மோகன் அவர்கள், மருது பாண்டியர்களின் நினைவு நாளை முன்னிட்டு, அவர்களது திருவுருவச் சிலைகளுக்கு மாலை அணிவித்து மலர்தூவி மரியாதை செலுத்தினார்கள்.
அமைச்சர் திரு. ராஜ்மோகன் அவர்கள், மருது பாண்டியர்களின் நினைவு நாளான அக்டோபர் 24, 2026 அன்று சென்னை, கிண்டி, காந்தி மண்டப வளாகத்தில் அமைந்துள்ள மருது பாண்டியர்களின் திருவுருவச் சிலைகளுக்கு மாலை அணிவித்து மலர்தூவி மரியாதை செலுத்தினார்.
சென்னை மாவட்டத்தில் சன்னரக அரிசி கூட்டுறவு விற்பனை நிலைய முகவரி மற்றும் குறைதீர்விற்கான பிரத்யேக வாட்ஸ்அப் எண் அறிவிப்பு
தமிழ்நாடு அரசு, சன்னரக அரிசி விலை உயர்வைக் கட்டுப்படுத்தும் நோக்கில், அமுதம் மற்றும் கூட்டுறவு அங்காடிகள் மூலம் கிலோ ரூ.30/-க்கு சன்னரக அரிசி விற்பனையை 17.10.2026 அன்று சென்னையில் 19 இடங்களில் தொடங்கியது. மேலும், குறைதீர்விற்காக 9884000845 என்ற பிரத்யேக வாட்ஸ்அப் எண் அறிமுகப்படுத்தப்பட்டுள்ளது.
"2026-27 ஆம் ஆண்டிற்கான கல்லூரிக் களப்பயணம்" தொடக்க விழா.
"கல்லூரிக் களப்பயணம் 2026–2027" திட்டத்தின் மாநில அளவிலான தொடக்க விழா இன்று சென்னை, அண்ணா பல்கலைக்கழக வளாகத்தில் நடைபெற்றது. இத்திட்டத்தை மாண்புமிகு பள்ளிக் கல்வித் துறை அமைச்சர் திரு. ராஜ்மோகன் அவர்கள் தொடங்கி வைத்தார். இந்நிகழ்வில் 500 அரசுப் பள்ளி மாணவர்கள் பங்கேற்றனர்.
பழுது நீக்கம் செய்ய இயலாத பழைய காவல் வாகனங்களின் உதிரி பாகங்கள் பொது ஏலம்.
பழுது நீக்கம் செய்ய இயலாத பழைய காவல் வாகனங்களின் உதிரி பாகங்கள் பொது ஏலம் எதிர்வரும் 28.10.2026 அன்று சென்னை, எழும்பூர், CBCID வளாகத்தில் நடைபெறும்.
தொழில்முனைவோர் மேம்பாடு மற்றும் புத்தாக்க நிறுவனம்-தமிழ்நாடு 2 நாட்கள் "பயணம் மற்றும் சுற்றுலா பயிற்சித் திட்டம்"
சென்னை, தொழில்முனைவோர் மேம்பாடு மற்றும் புத்தாக்க நிறுவனம் (EDII-TN), விரிவடைந்து வரும் பயணத் துறைக்குத் தேவையான அத்தியாவசிய திறன்களை வளர்க்க, ஆர்வமுள்ள வல்லுநர்கள் மற்றும் தொழில்முனைவோருக்காக அக்டோபர் 29-30, 2026 வரை 2 நாள் "பயணம் மற்றும் சுற்றுலா" பயிற்சித் திட்டத்தை ஏற்பாடு செய்கிறது.
மூன்று நாட்கள் “மசாலா மற்றும் இனிப்பு (தயார் நிலை) மதிப்பு கூட்டப்பட்ட பொருட்கள் பயிற்சித் திட்டம்”
தமிழ்நாடு தொழில்முனைவோர் மேம்பாடு மற்றும் புத்தாக்க நிறுவனம் (EDII-TN) தனது சென்னை வளாகத்தில் அக்டோபர் 28 முதல் 30, 2026 வரை மூன்று நாட்கள் மசாலா மற்றும் இனிப்பு (தயார் நிலை) மதிப்பு கூட்டப்பட்ட பொருட்கள் பயிற்சித் திட்டத்தை ஏற்பாடு செய்துள்ளது.
தொழில்முனைவோர் மேம்பாடு மற்றும் புத்தாக்க நிறுவனம் 2 நாள் - “வாசனை திரவிய உருவாக்கம் பட்டறை” குறித்த தொழில்முனைவோர் மேம்பாட்டுத் திட்டம்
சென்னை தொழில்முனைவோர் மேம்பாடு மற்றும் புத்தாக்க நிறுவனம் (EDII), நவம்பர் 4 முதல் 5, 2026 வரை 'வாசனை திரவிய உருவாக்கம் பட்டறை' குறித்த 2 நாள் தொழில்முனைவோர் மேம்பாட்டுத் திட்டத்தை ஏற்பாடு செய்துள்ளது.
தமிழ்நாடு தொழில்முனைவோர் மேம்பாடு மற்றும் புத்தாக்க நிறுவனம் ஐந்து நாட்கள் 'தங்க மதிப்பீட்டாளர் பயிற்சி' நடத்துகிறது
சென்னை, தமிழ்நாடு தொழில்முனைவோர் மேம்பாடு மற்றும் புத்தாக்க நிறுவனம் (EDII) ஐந்து நாட்கள் 'தங்க மதிப்பீட்டாளர் பயிற்சி' திட்டத்தை 2026 அக்டோபர் 26 முதல் அக்டோபர் 30 வரை அதன் சென்னை வளாகத்தில் நடத்துகிறது. இப் பயிற்சி உலோகம், நடைமுறை நகைத் திறன்கள் மற்றும் தர உறுதிப்பாடு ஆகியவற்றை உள்ளடக்கியது.
காவலர் வீரவணக்க நாளை முன்னிட்டு, காவலர் நினைவுச் சின்னம் முன்பாக மலர்வளையம் வைத்து மரியாதை செலுத்தி, பணியின்போது உயிரிழந்த காவலர்களின் குடும்பங்களுக்கு ரூ.5.96 கோடி காப்பீட்டுத் தொகைக்கான ஆணைகளை மாண்புமிகு தமிழ்நாடு முதலமைச்சர் திரு. ச.ஜோசப் விஜய் அவர்கள் வழங்கினார்.
காவலர் வீரவணக்க நாளை முன்னிட்டு, தமிழ்நாடு முதலமைச்சர் திரு. ச.ஜோசப் விஜய் அவர்கள், பணியின்போது உயிரிழந்த அல்லது கோமா நிலையிலுள்ள 7 காவலர்களின் குடும்பங்களுக்கு ரூ.5.96 கோடி காப்பீட்டுத் தொகைக்கான ஆணைகளை வழங்கினார். மேலும், அவர் சென்னையில் காவலர் நினைவுச் சின்னத்தில் மரியாதை செலுத்தி, மரக்கன்றை நட்டு வைத்தார்.
மாண்புமிகு தமிழ்நாடு முதலமைச்சர் திரு.ச.ஜோசப் விஜய் அவர்கள் வடகிழக்குப் பருவமழையினை முன்னிட்டு பெருநகர சென்னை மாநகராட்சியில் மேற்கொள்ளப்பட்டுள்ள முன்னெச்சரிக்கை நடவடிக்கை குறித்தும் ஒருங்கிணைந்த கட்டளை மற்றும் கட்டுப்பாட்டு மையத்தினைப் பார்வையிட்டும் இன்று ஆய்வு மேற்கொண்டார்.
மாண்புமிகு தமிழ்நாடு முதலமைச்சர் திரு.ச.ஜோசப் விஜய் அவர்கள் இன்று (18.10.2026) பெருநகர சென்னை மாநகராட்சியின் ரிப்பன் மாளிகையில், வடகிழக்குப் பருவமழையினை முன்னிட்டு பெருநகர சென்னை மாநகராட்சியில் மேற்கொள்ளப்பட்டுள்ள முன்னெச்சரிக்கை நடவடிக்கை குறித்து மாண்புமிகு அமைச்சர் பெருமக்கள் மற்றும் உயர் அலுவலர்களுடன் ஆய்வு மேற்கொண்டார். ஒருங்கிணைந்த கட்டளை மற்றும் கட்டுப்பாட்டு மையத்தினைப் பார்வையிட்டு, மழைநீர் அகற்றம், மரக்கிளைகள் அகற்றம், நிவாரண மையங்கள், சுரங்கப்பாதைகள், மீட்பு உபகரணங்கள் மற்றும் உணவு வழங்கல் குறித்து கேட்டறிந்து, அதிகாரிகளுக்கு அறிவுறுத்தினார்.
செய்தி வெளியீடு: பெருநகர சென்னை மாநகராட்சிப் பகுதியில் பெய்த அதிகனமழையினைத் தொடர்ந்து மீட்பு நடவடிக்கைகள் போர்க்கால அடிப்படையில் தீவிரமாக மேற்கொள்ளப்பட்டன.
பெருநகர சென்னை மாநகராட்சிப் பகுதியில் பெய்த அதிகனமழையினைத் தொடர்ந்து மீட்பு நடவடிக்கைகள் போர்க்கால அடிப்படையில் தீவிரமாக மேற்கொள்ளப்பட்டன. இரவு முழுவதும் 15 ஆயிரத்துக்கும் மேற்பட்ட பணியாளர்கள் மீட்பு நடவடிக்கையினை மேற்கொண்டனர். சென்னையில் உள்ள 22 சுரங்கப்பாதைகளிலும் தண்ணீர்த் தேக்கமின்றி சீரான போக்குவரத்து நடைபெற்று வருகிறது. காலை நேரத்திற்குள் மாநகரில் இயல்பு நிலை மீண்டும் கொண்டுவரப்பட்டுள்ளது.