மாண்புமிகு சமூகநலன் மற்றும் மகளிர் உரிமைத்துறை அமைச்சர் முதலமைச்சரின் காலை உணவுத் திட்டம் மற்றும் குழந்தைகள் நல மையங்களில் திடீர் ஆய்வு மேற்கொண்டார்.
அமைச்சர் திருமதி கு. ஜெகதீஸ்வரி சென்னை பள்ளிகளில் முதலமைச்சரின் காலை உணவுத் திட்டத்தின் உணவுத் தரம் மற்றும் விநியோகத்தை திடீர் ஆய்வு செய்தார், மேலும் குழந்தைகள் நல மையங்களின் செயல்பாடுகளையும் ஆய்வு செய்து, தரம், சுவை மற்றும் சுகாதாரத்தை வலியுறுத்தினார்.
விரிவான சுருக்கம்
04.06.2026 அன்று, மாண்புமிகு சமூகநலன் மற்றும் மகளிர் உரிமைத்துறை அமைச்சர் திருமதி கு. ஜெகதீஸ்வரி அவர்கள், சென்னை பள்ளிகளில் முதலமைச்சரின் காலை உணவுத் திட்டம் மற்றும் குழந்தைகள் நல மையங்களின் செயல்பாடுகளை திடீர் ஆய்வு மேற்கொண்டார். அண்ணாநகர் மண்டலம், வார்டு-101, அமைந்தகரையில் உள்ள சென்னை நடுநிலைப்பள்ளி மற்றும் செனாய் நகர், சுப்பராயன் தெருவில் உள்ள சென்னை மேல்நிலைப்பள்ளிகளில் ஆய்வு மேற்கொண்டார். நடப்பு கல்வியாண்டில் பள்ளிக்கு முதல் நாளாக வருகை தந்த பள்ளி மாணவர்களுக்கு இனிப்புகளை வழங்கினார். மாணவர்களுடன் கலந்துரையாடி, முதலமைச்சரின் காலை உணவுத் திட்டத்தின் கீழ் வழங்கப்படும் உணவின் தரம் குறித்து சாப்பிட்டு பார்த்து ஆய்வு செய்து, மாணவர்களுக்கு காலை உணவினை வழங்கினார். காலை உணவுத் திட்டத்தில் வழங்கப்படும் உணவு வகைகளை தரமாகவும், சுவையாகவும், சுத்தமாகவும் மாணவர்களுக்கு வழங்கிட அலுவலர்களுக்கு அறிவுறுத்தினார். முதலமைச்சரின் காலை உணவுத் திட்டத்திற்கு பயன்படுத்தப்படும் உணவுப் பொருட்களின் தரம், எடை ஆகியவற்றை ஆய்வு செய்து, இருப்பு பதிவேடுகளை ஒப்பிட்டு பார்த்து ஆய்வு செய்தார். மாணவர்களுக்கு நடப்பு கல்வியாண்டிற்கான பாடப்புத்தகங்கள், சீருடைகள், நோட்டுப் புத்தகங்கள், காலணிகள், புத்தகப்பை உள்ளிட்ட கல்வி உபகரணங்களை வழங்கினார். அமைந்தகரையில் உள்ள குழந்தைகள் மையத்தின் செயல்பாட்டினைப் பார்வையிட்டு, குழந்தைகளின் வருகை, குழந்தைகளின் எடை, உயரம் கணக்கீடு செய்யும் பணியினை ஆய்வு செய்து, மாணவர்களுக்கு அரசு வழங்கும் ஊட்டச்சத்து உணவுகளை தவறாமல் வழங்கிடவும், குழந்தைகள் நல மையத்தினைத் தூய்மையாகப் பராமரித்திடவும் அறிவுறுத்தினார். இந்த ஆய்வுகளின்போது, சமூகநலன் மற்றும் மகளிர் உரிமைத்துறை அரசுச் செயலாளர் திருமதி எம். மரியம் பல்லவி பல்தேவ், இ.ஆ.ப., இயக்குநர் மற்றும் குழும இயக்குநர் (ஒருங்கிணைந்த குழந்தைகள் வளர்ச்சித் திட்டம்) திருமதி ஐ.எஸ்.மெர்சி ரம்யா, இ.ஆ.ப., மற்றும் அலுவலர்கள் உடனிருந்தனர்.
முக்கிய அறிவிப்புகள்
- 1முதலமைச்சரின் காலை உணவுத் திட்டத்தின் உணவுத் தரம் மற்றும் விநியோகம் ஆய்வு செய்யப்பட்டது.
- 2குழந்தைகள் நல மையங்களின் செயல்பாடுகள், வருகை மற்றும் ஊட்டச்சத்து அம்சங்கள் ஆய்வு செய்யப்பட்டன.
- 3கல்வியாண்டின் முதல் நாளில் மாணவர்களுக்கு இனிப்புகள் வழங்கப்பட்டன.
- 4மாணவர்களுக்கு கல்வி உபகரணங்கள் (பாடப்புத்தகங்கள், சீருடைகள், நோட்டுப் புத்தகங்கள், காலணிகள், புத்தகப்பை) விநியோகிக்கப்பட்டன.
- 5உணவுத் தரம், சுவை, சுகாதாரம் மற்றும் குழந்தைகள் நல மையங்களின் தூய்மை ஆகியவற்றை உயர் தரத்தில் பராமரிக்க அதிகாரிகளுக்கு அறிவுறுத்தப்பட்டது.