மனிதவள மேலாண்மைத் துறை
TNPSC செய்திகள், அரசு ஊழியர் விதிகள், பயிற்சி திட்டங்கள் மற்றும் மாநில அரசு பணிகள் பற்றிய தகவல்கள்.
மனித வள மேலாண்மைத் துறை அமைச்சர், தமிழ்நாடு அரசு பணியாளர் தேர்வாணையம் மூலம் ஒருங்கிணைந்த குடிமைப் பணிகள் (தொகுதி -II) தேர்வில் தெரிவு செய்யப்பட்ட 22 உதவிப் பிரிவு அலுவலர்களுக்கு துறை ஒதுக்கீட்டு ஆணைகளை வழங்கினார்.
மாண்புமிகு மனித வள மேலாண்மைத் துறை அமைச்சர், திரு. த. சரத்குமார் அவர்கள், தமிழ்நாடு அரசு பணியாளர் தேர்வாணையம் மூலம் பல்வேறு துறைகளுக்கான ஒருங்கிணைந்த குடிமைப் பணிகள் (தொகுதி -II) தேர்வில் தலைமைச் செயலகத்தில் உதவிப் பிரிவு அலுவலராக தெரிவு செய்யப்பட்ட 22 நபர்களுக்கான துறை ஒதுக்கீட்டு ஆணைகளை வழங்கினார்.
அனைத்திந்திய குடிமைப்பணி பயிற்சி மையம்
அனைத்திந்திய குடிமைப்பணி பயிற்சி மையம், 2026 ஆம் ஆண்டுக்கான யு.பி.எஸ்.சி முதன்மைத் தேர்வு உதவித்தொகைத் தேர்வுக்கான மதிப்பெண் பட்டியலை வெளியிட்டுள்ளதுடன், 2027 ஆம் ஆண்டுக்கான யு.பி.எஸ்.சி குடிமைப்பணி முதன்மைப் பயிற்சித் திட்டத்திற்கான தேர்வு செயல்முறை மற்றும் அட்டவணையை அறிவித்துள்ளது. சென்னை, மதுரை மற்றும் கோயம்புத்தூரில் மொத்தம் 525 விண்ணப்பதாரர்கள் தேர்ந்தெடுக்கப்படுவார்கள்.
தமிழ்நாடு அரசுப் பணியாளர் தேர்வாணையம் மூலம் தொகுதி-1 பணிகளுக்கும், தமிழ்நாடு மாசு கட்டுப்பாடு வாரியத்தின் பல்வேறு பணியிடங்களுக்கும் தெரிவு செய்யப்பட்டுள்ள 126 நபர்களுக்குப் பணிநியமன ஆணைகள் மாண்புமிகு தமிழ்நாடு முதலமைச்சர் திரு.ச. ஜோசப் விஜய் அவர்கள் வழங்கினார்.
மாண்புமிகு தமிழ்நாடு முதலமைச்சர் திரு.ச. ஜோசப் விஜய் அவர்கள் இன்று (29.07.2026) தலைமைச் செயலகத்தில், மனித வள மேலாண்மைத் துறை சார்பில் நடைபெற்ற நிகழ்ச்சியில், தமிழ்நாடு அரசுப் பணியாளர் தேர்வாணையம் மூலம், தொகுதி-I பணிகளுக்குத் தெரிவு செய்யப்பட்டுள்ள 78 நபர்களுக்கும், தமிழ்நாடு மாசு கட்டுப்பாடு வாரியத்தின் பல்வேறு பணியிடங்களுக்குத் தெரிவு செய்யப்பட்டுள்ள 48 நபர்களுக்கும் பணிநியமன ஆணைகளை வழங்கினார்.
மாண்புமிகு மனித வள மேலாண்மைத் துறை அமைச்சர் திரு.த.சரத்குமார் அவர்கள் அகில இந்திய குடிமைப்பணி தேர்வு பயிற்சி மைய முதன்மை தேர்வுப் பயிற்சிக்கான துவக்க நிகழ்வில் கலந்துரையாடல்.
மாண்புமிகு மனிதவள மேலாண்மைத்துறை அமைச்சர் திரு.த.சரத்குமார் அவர்கள் தலைமையில் ஒன்றிய அரசுப் பணியாளர் தேர்வாணைய முதன்மைத் தேர்வுப் பயிற்சிக்கான துவக்க நிகழ்வு நடைபெற்றது.
மனிதவள மேலாண்மைத் துறை திட்டங்கள் குறித்து அமைச்சர் தலைமையில் ஆலோசனைக் கூட்டம்
மாண்புமிகு மனிதவள மேலாண்மைத் துறை அமைச்சர் திரு. த. சரத்குமார் தலைமையில் மனிதவள மேலாண்மைத் துறை சார்ந்த திட்டங்கள் குறித்து ஆலோசனை நடைபெற்றது. காலிப்பணியிடங்களை விரைந்து நிரப்பவும், போட்டித்தேர்வுகளுக்கு பயிற்சி வழங்கவும், ஊழலற்ற வெளிப்படையான நிர்வாகத்தை உறுதி செய்யவும் அமைச்சர் அறிவுறுத்தினார்.