குறு, சிறு மற்றும் நடுத்தரத் தொழில் நிறுவனங்கள் துறை
குறு, சிறு மற்றும் நடுத்தர தொழில் நிறுவனங்களுக்கான கடன்கள், மானியங்கள், சிட்கோ (SIDCO) தொழிற்பேட்டைகள்.
கோயம்புத்தூரில் சர்வதேச தரத்திலான தொழில் வளர் காப்பகம் அமைப்பது தொடர்பாக, தெலங்கானா தகவல் தொழில்நுட்பத் துறை அமைச்சருடன் தமிழ்நாடு குறு, சிறு மற்றும் நடுத்தரத் தொழில் நிறுவனங்கள் துறை அமைச்சர் கலந்துரையாடல்
மாண்புமிகு குறு, சிறு மற்றும் நடுத்தரத் தொழில் நிறுவனங்கள் துறை அமைச்சர் திரு. பெ.மதன்ராஜா அவர்கள், கோயம்புத்தூரில் சர்வதேச தரத்திலான தொழில் வளர் காப்பகம் அமைப்பது தொடர்பாக, தெலங்கானா மாநில தகவல் தொழில்நுட்பத் துறை அமைச்சர் திரு. டி. ஸ்ரீதர் பாபு அவர்களுடன் ஹைதராபாத்தில் டி ஹப் மற்றும் டி வொர்க்ஸ் மையங்களைப் பார்வையிட்டு, இரு மாநிலங்களுக்கிடையே ஸ்டார்ட்அப் மற்றும் குறு, சிறு மற்றும் நடுத்தரத் தொழில் நிறுவனங்கள் வளர்ச்சி குறித்து கலந்துரையாடினார்.
மாண்புமிகு அமைச்சர் பூம்புகார் கைவினைப் பொருட்கள் சந்தைப்படுத்துதல் மற்றும் மேம்பாடு குறித்து கோல்கொண்டா விற்பனையகத்தை ஆய்வு செய்தார்.
தமிழ்நாடு குறு, சிறு மற்றும் நடுத்தரத் தொழில் நிறுவனங்கள் துறை அமைச்சர் திரு.பெ.மதன் ராஜா, ஹைதராபாத்தில் உள்ள கோல்கொண்டா கைவினைப் பொருட்கள் விற்பனையகத்தை ஆய்வு செய்தார். பூம்புகார் கைவினைப் பொருட்கள், குறிப்பாக புவிசார் குறியீடு பெற்ற பொருட்களுக்கான சந்தைப்படுத்துதல் மற்றும் ஏற்றுமதி வாய்ப்புகளை மேம்படுத்துவதே இதன் நோக்கமாகும். முன்னதாக, ஷில்பராமத்தில் ஒரு கண்காட்சியைத் தொடங்கி வைத்தார்.
அமைச்சர் பெ.மதன்ராஜா தெலங்கானாவில் பட்டு வளர்ச்சி அறிவுசார் கண்டுணர்வு பயணத்தை மேற்கொண்டார்
தமிழ்நாடு குறு, சிறு மற்றும் நடுத்தரத் தொழில் நிறுவனங்கள் துறை அமைச்சர் திரு.பெ.மதன்ராஜா, 23 பட்டு விவசாயிகள் மற்றும் அதிகாரிகளுடன் தெலங்கானாவிற்கு இரண்டு நாள் அறிவுசார் கண்டுணர்வு பயணத்தை மேற்கொண்டார். தமிழ்நாட்டில் மேம்பட்ட பட்டுவளர்ப்பு நடைமுறைகளை செயல்படுத்துவதே இதன் நோக்கம்.
குறு, சிறு மற்றும் நடுத்தரத் தொழில் நிறுவனங்கள் துறையில் அரசு திட்டங்களின் முன்னேற்பு பணிகள் குறித்து மாண்புமிகு குறு, சிறு மற்றும் நடுத்தர தொழில் நிறுவனங்கள் துறை அமைச்சர் பெ. மதன் ராஜா அவர்கள் ஆய்வு
மாண்புமிகு அமைச்சர் பெ. மதன் ராஜா தலைமையில் நடைபெற்ற ஆய்வுக் கூட்டத்தில், MSME திட்டங்களின் முன்னேற்றம் குறித்து விவாதிக்கப்பட்டது. கடந்த ஆண்டை விட அதிக பயனாளிகளை அடையாளம் காணவும், மாற்றுத்திறனாளிகள், மகளிர், ஆதிதிராவிடர் மற்றும் பழங்குடியினருக்கு கடன் வழங்குவதை அதிகரிக்கவும், அனைத்து இலக்குகளையும் டிசம்பருக்குள் அடையவும் அவர் வலியுறுத்தினார்.
பட்டு வளர்ச்சி மற்றும் கைத்திறன் மேம்பாடு குறித்த ஆய்வுக் கூட்டம்
சென்னை தலைமைச் செயலகத்தில், அமைச்சர் பெ. மதன்ராஜா தலைமையில், பட்டு வளர்ச்சித் துறை மற்றும் தமிழ்நாடு கைத்திறத் தொழில்கள் வளர்ச்சிக் கழகத்தின் செயல்பாடுகள் குறித்து ஆய்வுக் கூட்டம் நடைபெற்றது. இக்கூட்டத்தில் தொழில்துறை மேம்பாடு மற்றும் நலன் குறித்த அறிவுறுத்தல்கள் வழங்கப்பட்டன.
தமிழ்நாடு அரசு தொழில்முனைவோர் மேம்பாடு மற்றும் புத்தாக்க நிறுவனம் (EDII-TN): 2026-ஆம் ஆண்டிற்கான ஓராண்டு தொழில்முனைவோர் சான்றிதழ் கல்விக்கான சேர்க்கை அறிவிப்பு
EDII-TN மற்றும் EDII அகமதாபாத் இணைந்து வழங்கும் 2026 ஆம் ஆண்டிற்கான ஓராண்டு தொழில்முனைவோர் மற்றும் புத்தாக்க சான்றிதழ் கல்விக்கான (Batch 3) சேர்க்கையை தொடங்கியுள்ளது. இத்திட்டத்தில் விண்ணப்பதாரர்கள் 75% வரை கல்வி உதவித்தொகை பெறலாம்.
தமிழ்நாடு அரசு தொழில்முனைவோர் மேம்பாடு மற்றும் புத்தாக்க நிறுவனம் (EDII-TN): 2026-ஆம் ஆண்டிற்கான ஓராண்டு தொழில்முனைவோர் சான்றிதழ் கல்விக்கான சேர்க்கை அறிவிப்பு.
தமிழ்நாடு தொழில்முனைவோர் மேம்பாடு மற்றும் புத்தாக்க நிறுவனம் (EDII-TN), EDII அகமதாபாத்துடன் இணைந்து 2026 ஆம் ஆண்டிற்கான ஓராண்டு தொழில்முனைவோர் மற்றும் புத்தாக்க சான்றிதழ் படிப்பின் மூன்றாம் ஆண்டு சேர்க்கையை அறிவிக்கிறது.