விரிவான சுருக்கம்

ஈரநிலப் பறவைகள் கணக்கெடுப்பு தமிழ்நாட்டின் அனைத்து 38 மாவட்டங்களிலும் உள்ள 1005 ஈரநிலங்களை (ஏரிகள், பாசனக் குளங்கள், சதுப்பு நிலங்கள், நீர்த்தேக்கங்கள்) உள்ளடக்கியது. மொத்தம் 393 பறவை இனங்கள் பதிவுசெய்யப்பட்டன, நேரடி எண்ணிக்கையில் 6,01,348 பறவைகள் கணக்கிடப்பட்டன. இவற்றில் 116 இனங்கள் நீர்ப்பறவைகளாகவும், 131 இனங்கள் வலசைப் பறவைகளாகவும் இருந்தன, அவற்றின் மொத்த எண்ணிக்கை 1,59,557 ஆகும். இது மத்திய ஆசிய பறவைப் பறப்புப் பாதையில் தமிழ்நாட்டின் ஈரநிலங்கள் முக்கிய வாழிடங்களாக விளங்குவதை எடுத்துக்காட்டுகிறது. லிட்டில் கார்மரண்ட், குளோஸ்ஸி ஐபிஸ், லிட்டில் எக்ரெட், ஈஸ்டர்ன் கேட்டில் எக்ரெட், இந்தியன் பாண்ட் ஹெரான், நார்தர்ன் பின்டெயில், லிட்டில் ஸ்டின்ட், கிரேட்டர் ஃபிளாமிங்கோ மற்றும் கார்கனே ஆகியவை அடங்கும். மேலும், IUCN சிவப்பு பட்டியலில் அச்சுறுத்தப்பட்ட பிரிவுகளில் உள்ள 35 பறவை இனங்களும் பதிவுசெய்யப்பட்டன. ஒருங்கிணைந்த நிலவாழ் பறவைகள் கணக்கெடுப்பு தமிழ்நாட்டின் அனைத்து 38 மாவட்டங்களிலும் உள்ள காடுகள் மற்றும் நிலவாழ் சூழலமைப்புகளை உள்ளடக்கிய 1108 இடங்களில் நடத்தப்பட்டது. மொத்தம் 391 பறவை இனங்கள் பதிவுசெய்யப்பட்டு நேரடி எண்ணிக்கையில் 2,24,801 பறவைகள் கணக்கிடப்பட்டன. இவற்றில் 228 இனங்கள் உள்ளூர் பறவைகளாகவும், 72 இனங்கள் வலசைப் பறவைகளாகவும் இருந்தன. IUCN சிவப்பு பட்டியலில் அச்சுறுத்தப்பட்ட பிரிவுகளில் உள்ள 36 பறவை இனங்களும் பதிவுசெய்யப்பட்டன, இது தமிழ்நாட்டின் காடுகள் மற்றும் நிலவாழ் வாழிடங்களின் சுற்றுச்சூழல் முக்கியத்துவத்தை வெளிப்படுத்துகிறது. நாப்-பில்ட்டக், காட்டன் பிக்மி-கூஸ், கார்கனே, நார்தர்ன் ஷோவலர், யூரேஷியன் விஜியன், ரெட் ஸ்பர்ஃபவுல், பெயிண்டெட் புஷ்-கொய்ல், நீலகிரி மர புறா, ஓரியண்டல் டர்டில்-டவ், ஏஷியன் மரகதபுறா, கிரீன் இம்பீரியல்- புறா, மலபார் இம்பீரியல்-புறா மற்றும் இலங்கை ஃப்ராக்மவுத் ஆகியவை பதிவான முக்கிய இனங்கள். தமிழ்நாட்டின் ஈரநிலச் சூழலமைப்புகள், காடுகள், கடலோர வாழிடங்கள், கழிமுகங்கள், மாங்குரோவ் காடுகள், நீர்த்தேக்கங்கள் மற்றும் ஆயிரக்கணக்கான பாசனக் குளங்கள் வளமான பறவைகள் பன்முகத்தன்மையைக் ஆதரிக்கின்றன, இவை பறவைகளுக்கு உணவளிப்பு, இனப்பெருக்கம் மற்றும் ஓய்வு எடுக்கும் முக்கிய வாழிடங்களாக விளங்குகின்றன. தமிழ்நாடு அரசின் மாண்புமிகு வனத்துறை அமைச்சர் மற்றும் மாண்புமிகு சுற்றுச்சூழல் மற்றும் காலநிலை மாற்றத்துறை அமைச்சர் ஆகியோர், முக்கிய வாழிடங்களின் அறிவியல் அடிப்படையிலான மேலாண்மையின் மூலம் மாநிலத்தின் பறவைகள் பன்முகத்தன்மையைக் நீண்டகாலமாக கண்காணித்து, பாதுகாப்பு இலக்குகளை அடைவதை வலியுறுத்தும் வகையில் இந்த கணக்கெடுப்பு அறிக்கைகளை வெளியிட்டுள்ளனர்.