சென்னை மாவட்டம்
மாநிலத் தலைநகரான சென்னையின் மாநகராட்சி அறிவிப்புகள், கொள்கை அமலாக்கங்கள் மற்றும் குடிமை அறிவிப்புகள் உள்ளிட்ட சமீபத்திய தகவல்கள்.
மாண்புமிகு பள்ளிக்கல்வி, தமிழ் வளர்ச்சி, செய்தி மற்றும் விளம்பரத் துறை அமைச்சர் திரு. ராஜ்மோகன் அவர்கள் சென்னை இதழியல் கல்வி நிறுவனத்தின் முதலாம் ஆண்டு பட்டமளிப்பு விழாவில் மாணவர்களுக்கு பட்டங்களை வழங்கினார்
மாண்புமிகு பள்ளிக்கல்வி, தமிழ் வளர்ச்சி, செய்தி மற்றும் விளம்பரத் துறை அமைச்சர் திரு. ராஜ்மோகன் அவர்கள் சென்னை இதழியல் கல்வி நிறுவனத்தின் முதலாம் ஆண்டு பட்டமளிப்பு விழாவில் கலந்துகொண்டு மாணவர்களுக்கு பட்டயச் சான்றிதழ்களை வழங்கினார்.
உணவு மற்றும் உணவுப் பொருள் வழங்கல் துறை அமைச்சர் சென்னையில் உள்ள அலுவலகங்களை ஆய்வு செய்தார்
மாண்புமிகு உணவு மற்றும் உணவுப் பொருள் வழங்கல் துறை அமைச்சர் திரு.ப.வெங்கடரமணன், அவர்கள் சென்னை சேப்பாக்கத்தில் உள்ள தமிழ்நாடு உணவு ஆணைய அலுவலகம் மற்றும் சேப்பாக்கம் குடிமைப்பொருள் வழங்கல் உதவி ஆணையர் அலுவலகம் ஆகியவற்றிற்கு வருகைபுரிந்து ஆய்வு மேற்கொண்டார். இந்த ஆய்வின்போது உட்கட்டமைப்பு மேம்பாட்டுப் பணிகள் குறித்தும் ஆணையத்தின் செய்பாடுகளை துரிதப்படுத்துதல் குறித்தும் உரிய அறிவுறுத்தல்கள் வழங்கினார்.
தமிழ்நாடு அரசு எம். ஜி.ஆர். திரைப்படம் மற்றும் தொலைக்காட்சிப் பயிற்சி நிறுவனம் (தமிழ்நாடு டாக்டர். ஜெ ஜெயலலிதா இசை மற்றும் கவின் கலைப் பல்கலைக்கழகத்துடன் இணைக்கப்பட்டது) சென்னை
தமிழ்நாடு அரசு எம்.ஜி.ஆர் திரைப்படம் மற்றும் தொலைக்காட்சிப் பயிற்சி நிறுவனத்தில் 2026-2027ஆம் கல்வி ஆண்டில் இளங்கலை காட்சிக்கலை பட்டப்படிப்பிற்கான முதலாம் ஆண்டு மாணவர் சேர்க்கைக்கு விண்ணப்ப கால நீட்டிப்பு செய்யப்படுகிறது.
அமைச்சர் ஜா. முகமது பர்வேஸ் அமைப்புசாரா தொழிலாளர் நல வாரியத்தை ஆய்வு செய்து நலத்திட்ட உதவிகளை வழங்கினார்
தொழிலாளர் நலன் மற்றும் திறன் மேம்பாட்டுத் துறை அமைச்சர் ஜா. முகமது பர்வேஸ், சென்னையில் உள்ள தமிழ்நாடு உடலுழைப்புத் தொழிலாளர்கள் சமூக பாதுகாப்பு மற்றும் நல வாரிய அலுவலகத்தை ஆய்வு செய்து, சென்னை, திருவள்ளூர், காஞ்சிபுரம் மற்றும் செங்கல்பட்டு மாவட்டங்களைச் சேர்ந்த 100 அமைப்புசாரா தொழிலாளர்களுக்கு நலத்திட்ட உதவிகளை வழங்கினார்.
உயிர் நீர் இயக்கம் (ஜல் ஜீவன் மிஷன்) 2.0 செயல்படுத்துவதற்காக தமிழ்நாடு அரசிற்கும், ஒன்றிய அரசிற்கும் இடையே புரிந்துணர்வு ஒப்பந்தம் கையெழுத்திடப்பட்டது.
மாண்புமிகு தமிழ்நாடு முதலமைச்சர் திரு.ச.ஜோசப் விஜய் மற்றும் மாண்புமிகு ஒன்றிய அரசின் ஜல் சக்தித் துறை அமைச்சர் திரு.சி.ஆர். பாட்டீல் ஆகியோர் முன்னிலையில், உயிர் நீர் இயக்கம் (ஜல் ஜீவன் மிஷன்) 2.0 திட்டத்தை செயல்படுத்துவதற்கான புரிந்துணர்வு ஒப்பந்தம் தமிழ்நாடு அரசுக்கும் ஒன்றிய அரசுக்கும் இடையே கையெழுத்தானது.
மூன்று நாள் "இ-காமர்ஸ்" பயிற்சித் திட்டம்
தொழில்முனைவோர் மேம்பாடு மற்றும் புத்தாக்க நிறுவனம் (EDII-TN), சென்னை, ஜூன் 16 முதல் 18, 2026 வரை மூன்று நாள் "இ-காமர்ஸ்" பயிற்சித் திட்டத்தை அதன் சென்னை வளாகத்தில் நடத்தவுள்ளது. இந்தப் பயிற்சித் திட்டம் தொழில்முனைவோர் மற்றும் குறு, சிறு மற்றும் நடுத்தர நிறுவனங்களுக்கு (MSMEs) இ-காமர்ஸ் அல்லது நேரடி நுகர்வோர் (D2C) வணிகங்களைத் தொடங்குவது, கட்டமைப்பது மற்றும் விரிவுபடுத்துவது பற்றிய திறன்களை வழங்குவதை நோக்கமாகக் கொண்டுள்ளது.
தொழில் முனைவோர் மேம்பாடு மற்றும் புத்தாக்க நிறுவனம் - ஐந்து நாட்கள் “தங்க நகை மதிப்பீட்டாளர் பயிற்சி "
தமிழக அரசின் தொழில் முனைவோர் மேம்பாடு மற்றும் புத்தாக்க நிறுவனம் சென்னையில் ஜூன் 15 முதல் ஜூன் 19, 2026 வரை ஐந்து நாட்கள் “தங்க நகை மதிப்பீட்டாளர் பயிற்சி”யை நடத்துகிறது.
தமிழ்நாடு தொழில்முனைவோர் மேம்பாடு மற்றும் புத்தாக்க நிறுவனம் – ஐந்து நாள் "தங்க மதிப்பீட்டாளர் பயிற்சி".
சென்னை தொழில்முனைவோர் மேம்பாடு மற்றும் புத்தாக்க நிறுவனம் (EDII), தனது சென்னை வளாகத்தில் ஜூன் 15, 2026 முதல் ஜூன் 19, 2026 வரை ஐந்து நாள் "தங்க மதிப்பீட்டாளர் பயிற்சி" திட்டத்தை நடத்துகிறது.
தமிழ்நாடு தொழில்முனைவோர் மேம்பாடு மற்றும் புத்தாக்க நிறுவனம் (EDII-TN) ஓராண்டு தொழில்முனைவோர் மற்றும் புத்தாக்க திட்டத்தின் 2026 ஆம் ஆண்டிற்கான சேர்க்கையைத் திறக்கிறது
தமிழ்நாடு தொழில்முனைவோர் மேம்பாடு மற்றும் புத்தாக்க நிறுவனம் (EDII-TN) EDII அகமதாபாத்துடன் இணைந்து வழங்கும், ஓராண்டு தொழில்முனைவோர் மற்றும் புத்தாக்க சான்றிதழ் படிப்பின் 2026 ஆம் ஆண்டிற்கான சேர்க்கையைத் தொடங்கியுள்ளது.
மாண்புமிகு அமைச்சர் திரு. ம. விஜய் பாலாஜி தலைமையில் கைத்தறி, துணிநூல் மற்றும் கதர்த் துறையின் செயல்பாடுகள் குறித்து ஆய்வுக் கூட்டம் நடைபெற்றது
இன்று சென்னை தலைமைச் செயலகத்தில், அமைச்சர் திரு. ம. விஜய் பாலாஜி தலைமையில் கைத்தறி, துணிநூல் மற்றும் கதர்த் துறையின் செயல்பாடுகள் குறித்த ஆய்வுக் கூட்டம் நடைபெற்றது. இக்கூட்டத்தில், துறையாலும் கோ-ஆப்டெக்ஸ் நிறுவனத்தாலும் தயாரிக்கப்படும் பல்வேறு தயாரிப்புகளை அமைச்சர் பார்வையிட்டார்.
பலவகை தொழில்நுட்ப கல்லூரியில் இந்த கல்வியாண்டு 3 புதிய பாடப்பிரிவுகள் ஆரம்பிக்கப்பட்டு, 3,570 புதிய இடங்கள் தோற்றுவிக்கப்பட்டுள்ளது - மாண்புமிகு உயர்கல்வித் துறை அமைச்சர் திரு. பெ.விஸ்வநாதன் அவர்கள் தகவல்
நடப்பு கல்வியாண்டில் பலவகை தொழில்நுட்ப கல்லூரிகளில் 3 புதிய பாடப்பிரிவுகள் தொடங்கப்பட்டு 3,570 புதிய இடங்கள் உருவாக்கப்பட்டுள்ளன. 2026-2027 ஆம் கல்வியாண்டுக்கான அரசு பொறியியல், கலை, அறிவியல் மற்றும் பாலிடெக்னிக் கல்லூரிகளில் மாணவர் சேர்க்கை குறித்த ஆய்வுக்கூட்டம் உயர்கல்வித் துறை அமைச்சர் தலைமையில் நடைபெற்றது.
"நீங்களும் ஒரு தொழிலதிபராகலாம்" - 5 நாட்கள் - தொழில் முனைவோர் மேம்பாட்டு பயிற்சி
சென்னை, தமிழ்நாடு தொழில் முனைவோர் மேம்பாடு மற்றும் புத்தாக்க நிறுவனம், "நீங்களும் ஒரு தொழிலதிபராகலாம்" என்ற தலைப்பில் 5 நாட்கள் தொழில் முனைவோர் மேம்பாட்டு பயிற்சியை 2026 ஜூன் 15 முதல் ஜூன் 19 வரை நடத்தவுள்ளது.