அதிகாரப்பூர்வ பக்கங்கள்
தொடர்பான திட்டங்கள், விழாக்கள் மற்றும் அதிகாரப்பூர்வ செய்தி வெளியீடுகளின் தொகுப்பு.
30 ஜூன், 2026PR #312
புதுப்பிக்கத்தக்க மின் உற்பத்தி நிலையங்கள், தாங்கள் உற்பத்தி செய்யும் நிகழ்நேர தரவுகளை (Real-Time) உடனுக்குடன் தமிழ்நாடு மின்வாரியத்துடன் பகிர்வது இனி கட்டாயம். தவறும்பட்சத்தில் மின்உற்பத்தி நிறுவனங்களின் மின் உற்பத்தியில் 10% மின் கணக்கீடு கழித்து கணக்கிடப்படும் - மாண்புமிகு எரிசக்தி மற்றும் சட்டத்துறை அமைச்சர் திரு.சி.டி.ஆர். நிர்மல் குமார் அவர்கள் தகவல்.
தமிழ்நாடு அரசு அனைத்து புதுப்பிக்கத்தக்க மின் உற்பத்தி நிலையங்களையும், மாநில மின் சுமை பகிர்மான மையத்துடன் (SLDC) நிகழ்நேர தரவுகளை SCADA மூலம் குறிப்பிட்ட காலக்கெடுவுக்குள் பகிர வேண்டும் என கட்டாயப்படுத்துகிறது. தவறும்பட்சத்தில், தமிழ்நாடு மின்சார கட்டமைப்பு விதிமுறை 2026-இன் படி, மின் கணக்கீட்டில் குறைப்பு மற்றும் மின் அனுப்புகை செயல்முறைகளிலிருந்து விலக்கு போன்ற அபராதங்கள் விதிக்கப்படும்.
30 ஜூன், 2026PR #311
உணவு மற்றும் உணவுப்பொருள் வழங்கல் துறை அமைச்சர் சென்னை அம்மா உணவகத்தில் திடீர் ஆய்வு
மாண்புமிகு அமைச்சர் திரு. ப. வெங்கடரமணன் சென்னை அம்மா உணவகத்தில் திடீர் ஆய்வு மேற்கொண்டு, உணவுத் தரம், சுகாதாரம் மற்றும் பொதுமக்களுக்கு வழங்கப்படும் சேவைகளை ஆய்வு செய்து, வாடிக்கையாளர்களிடம் கருத்துக்களைக் கேட்டறிந்தார்.