தொடர்பான திட்டங்கள், விழாக்கள் மற்றும் அதிகாரப்பூர்வ செய்தி வெளியீடுகளின் தொகுப்பு.
தமிழ்நாடு சட்டமன்றப் பேரவை
இடைத்தேர்தலில் புதிதாக தேர்ந்தெடுக்கப்பட்ட இரண்டு உறுப்பினர்கள் தமிழ்நாடு சட்டமன்றப் பேரவையில் சட்டமன்ற உறுப்பினர்களாக உறுதிமொழி எடுத்துக் கொண்டனர்.
தமிழ்நாட்டில் காசநோய் ஒழிப்பில் சமுதாயப் பங்களிப்பை வலுப்படுத்தும் நோக்கில், இளைஞர்களை உள்ளடக்கிய "காசநோய் இல்லா JOSH (JOSH - Joint Squad for Health) அணியை " மாண்புமிகு மருத்துவம், மருத்துவக் கல்வி மற்றும் மக்கள் நல்வாழ்வுத் துறை அமைச்சர் டாக்டர் கோ.க.அருண்ராஜ் அவர்கள் தொடங்கி வைத்தார்.
தமிழ்நாட்டில் காசநோய் ஒழிப்பில் சமுதாயப் பங்களிப்பை வலுப்படுத்தும் நோக்கில், மாண்புமிகு அமைச்சர் டாக்டர் கோ.க.அருண்ராஜ் அவர்கள் "காசநோய் இல்லா JOSH (Joint Squad for Health) அணியை" தொடங்கி வைத்தார். மத்திய அமைச்சர் திரு.ஜெகத் பிரகாஷ் நட்டா தலைமையில் நடைபெற்ற தேசிய நிகழ்வில் காணொலிக் காட்சி மூலம் பங்கேற்றார். இந்த அணி தன்னார்வலர்கள் மற்றும் தேசிய மாணவர் படையினரை ஒருங்கிணைத்து விழிப்புணர்வு, முன்கூட்டிய கண்டறிதல் மற்றும் பரிந்துரைகளை மேற்கொள்ளும். ஏற்கனவே 2,390 பஞ்சாயத்துகள் காசநோய் இல்லாத பஞ்சாயத்துகளாக அங்கீகரிக்கப்பட்டுள்ளன.
அரசு மருத்துவமனைகளில் பிறக்கும் குழந்தைகளுக்கான தாய்மாமன் தங்க மோதிர திட்டத்தில் நிபந்தனை தளர்வு
தமிழ்நாட்டில் அரசு மருத்துவமனைகளில் பிறக்கும் குழந்தைகளுக்கான தாய்மாமன் தங்க மோதிர திட்டத்தில் நிபந்தனைகள் தளர்த்தப்பட்டுள்ளன. தமிழ்நாட்டில் பிறந்து, திருமணத்திற்குப் பின் வெளிமாநிலத்தில் வசிக்கும் தாய்மார்கள், அவர்களது பெற்றோர் தமிழ்நாட்டில் நிரந்தரமாக வசிப்பவர்களாக இருந்து, தமிழ்நாட்டில் உள்ள அரசு மருத்துவமனைகளில் பிரசவம் மேற்கொண்டால், அவர்களது குழந்தைக்கும் ஒரு கிராம் தங்க மோதிரம் வழங்கப்படும்.
மாண்புமிகு தமிழ்நாடு முதலமைச்சர் திரு. ச.ஜோசப் விஜய் அவர்கள் தமிழ்நாடு பால் உற்பத்தியாளர்கள் கூட்டுறவு இணையத்தின் சார்பில் ரூ.2.23 கோடி செலவில் புதிதாகக் கட்டப்பட்டுள்ள ஆவின் மாநில மத்திய ஆய்வகத்தின் துணைக் கட்டடத்தைத் திறந்து வைத்து, மாதவரம் பால் பண்ணையையும், புதிய பால் பண்ணையின் கட்டுமானப் பணிகளையும் பார்வையிட்டு ஆய்வு செய்தார்.
மாண்புமிகு தமிழ்நாடு முதலமைச்சர் திரு. ச.ஜோசப் விஜய் அவர்கள் இன்று (7.10.2026) சென்னை, மாதவரத்தில் தமிழ்நாடு பால் உற்பத்தியாளர்கள் கூட்டுறவு இணையத்தின் சார்பில் 2 கோடியே 23 இலட்சம் ரூபாய் செலவில் புதிதாகக் கட்டப்பட்டுள்ள ஆவின் மாநில மத்திய ஆய்வகத்தின் துணைக் கட்டடத்தைத் திறந்து வைத்தார். மேலும், மாதவரம் பால் பண்ணையின் செயல்பாடுகளைப் பார்வையிட்டதோடு, புதிய பால் பண்ணையின் கட்டுமானப் பணிகளையும் பார்வையிட்டு ஆய்வு செய்தார்.
ஆசிய விளையாட்டுப் போட்டிகளில் வெண்கலப் பதக்கம் வென்ற ஸ்குவாஷ் வீரர்களுக்கு முதலமைச்சர் ச. ஜோசப் விஜய் பாராட்டு மற்றும் தமிழக வீரர்களுக்கு தலா ரூ.30 இலட்சம் ஊக்கத்தொகை அறிவிப்பு
ஆசிய விளையாட்டுப் போட்டிகளில் ஸ்குவாஷ் ஆண்கள் குழுப் பிரிவில் வெண்கலப் பதக்கம் வென்ற இந்திய அணிக்கும், அதில் இடம்பெற்ற தமிழக வீரர்களான வேலவன் செந்தில்குமார் மற்றும் அபய் சிங் ஆகியோருக்கும் தமிழ்நாடு முதலமைச்சர் திரு. ச. ஜோசப் விஜய் அவர்கள் வாழ்த்து தெரிவித்துள்ளார். மேலும், அவர்களுக்கு தலா ரூ.30 இலட்சம் உயரிய ஊக்கத்தொகை வழங்கப்படும் என்றும் அறிவித்துள்ளார்.
பதிவுத்துறையில் நேரடி வருகையில்லா எங்கிருந்தும் ஆவணப்பதிவு முறையில் ஒன்றரை மாதத்தில் "ஒரு லட்சம்" ஆவணங்கள் பதிவு
பொதுமக்கள் சார்பதிவாளர் அலுவலகங்களில் நேரடியாக தொடர்பற்ற எங்கிருந்தும் எப்போது வேண்டுமானாலும் (24X7X365) இணையவழியே மட்டும் தங்களது ஆவணங்களை தாக்கல் செய்யும் "வருகையில்லா ஆவணப் பதிவு" நடைமுறை 17.08.2026 அன்று மனைப்பிரிவில் முதல் விற்பனை மற்றும் அடுக்குமாடி குடியிருப்பில் முதல் விற்பனை ஆகிய இரண்டு ஆவணங்களுக்கு கட்டாயமாக்கப்பட்டது. இத்திட்டத்தின் வெற்றியைத் தொடர்ந்து, வங்கிகள் மற்றும் நிதி நிறுவனங்கள் சார்ந்த உரிமை ஆவணங்கள் ஒப்படைப்பு மற்றும் இரசீது ஆவணங்கள் ஆகியவை 15.09.2026 முதல் இத்திட்டத்தில் கட்டாயமாக்கப்பட்டது.
நடிகர் திலகம் சிவாஜி கணேசன் அவர்களின் பிறந்த நாளை முன்னிட்டு, அன்னாரது திருவுருவச் சிலைக்கு, மாண்புமிகு சட்டப்பேரவைத் தலைவர் மற்றும் மாண்புமிகு அமைச்சர் பெருமக்கள் மாலை அணிவித்து மலர் தூவி மரியாதை செலுத்தினார்கள்.
நடிகர் திலகம் சிவாஜி கணேசன் அவர்களின் பிறந்த நாளை முன்னிட்டு, தமிழ்நாடு அரசின் சார்பில், சட்டப்பேரவைத் தலைவர் மற்றும் அமைச்சர்கள் சென்னை, அடையாறில் உள்ள அவரது மணிமண்டபத்தில் உள்ள திருவுருவச் சிலைக்கு மாலை அணிவித்து மலர் தூவி மரியாதை செலுத்தினர்.