#Tribal Welfare
தமிழ்நாடு அரசால் வெளியிடப்பட்ட Tribal Welfare குறிச்சொல் கொண்ட அனைத்து செய்திகள் மற்றும் அறிவிப்புகளை இங்கே காணுங்கள்.
சமூகநீதித் துறையின் கீழ் இயங்கும் விடுதிகளில் மாணாக்கர்களுக்கான உணவுக்கட்டணம் உயர்வு – 1,16,424 மாணாக்கர்கள் பயன்பெறுவர்
சமூகநீதித் துறையின் கீழ் இயங்கும் விடுதிகளில் தங்கிப் பயிலும் மாணாக்கர்களுக்கான மாத உணவுக்கட்டணத்தை தமிழக அரசு உயர்த்தியுள்ளது. பள்ளி விடுதி மாணாக்கர்களுக்கு ரூ.1,400-லிருந்து ரூ.1,800 ஆகவும், கல்லூரி விடுதி மாணாக்கர்களுக்கு ரூ.1,500-லிருந்து ரூ.2,000 ஆகவும் உயர்த்தப்பட்டுள்ளது. இதன் மூலம் 1,16,424 மாணாக்கர்கள் பயன்பெறுவர். அக்டோபர் 2026 முதல் மார்ச் 2027 வரை கூடுதல் செலவினமாக ரூ.29.41 கோடி ஒதுக்கீடு செய்யப்பட்டுள்ளது. மேலும், ஊட்டச்சத்துமிக்க திருத்தப்பட்ட உணவுப்பட்டியல் நடைமுறைப்படுத்தப்பட உள்ளது.
தமிழ்நாடு பழங்குடியினர் நலத்துறை விவசாயிகளுக்காக 10 உழவர் உற்பத்தியாளர் அமைப்புகள் / நிறுவனங்கள் அமைக்க உள்ளது
தமிழ்நாடு பழங்குடியினர் நல இயக்குநரகம் 2026-27ஆம் ஆண்டிற்கான பத்து மாவட்டங்களில் பழங்குடியின விவசாயிகளுக்காக 10 உழவர் உற்பத்தியாளர் அமைப்புகள் / நிறுவனங்கள் (FPO / FPC) உருவாக்க திட்டமிட்டுள்ளது, தகுதியுள்ள முகமைகளிடமிருந்து விலைப்புள்ளிகள் வரவேற்கப்படுகின்றன.
பழங்குடியினர் நலத் திட்டங்களுக்கான திட்ட மேலாளர் மற்றும் உதவித் திட்ட மேலாளர் பணியிடங்களுக்கு ஆட்சேர்ப்பு
தமிழ்நாடு பழங்குடியினர் நல இயக்குநரகம், மாநிலம் முழுவதும் பழங்குடியின மக்களின் வாழ்வாதாரம் மற்றும் பொருளாதார மேம்பாட்டுத் திட்டங்களைச் செயல்படுத்தவும், கண்காணிக்கவும் ஒப்பந்த அடிப்படையில் திட்ட மேலாளர் மற்றும் உதவித் திட்ட மேலாளர் பணியிடங்களுக்கு விருப்பக் கோரிக்கை வரவேற்கிறது.
பழங்குடியின விவசாயிகளுக்கு இயற்கை மற்றும் அங்கக வேளாண்மை சான்றிதழ் வழங்க விருப்பக் கோரிக்கை
தமிழ்நாடு பழங்குடியினர் நல இயக்குநரகம், பழங்குடியின விவசாயிகள் மற்றும் குழுக்களுக்கு இயற்கை மற்றும் அங்கக வேளாண்மை சான்றிதழ் சேவைகளை வழங்க தகுதியான நிறுவனங்களிடமிருந்து விருப்பக் கோரிக்கைகளை (EoI) வரவேற்கிறது.
பழங்குடியினர் மற்றும் ஆதி திராவிடர் சமூகங்களின் தயாரிப்புகளுக்கான புவியியல் குறியீடு (GI) பதிவு – அனுபவம் வாய்ந்த ஆலோசகர்கள் மற்றும் முகமைகளிடமிருந்து ஆர்வ வெளிப்பாடு கோரப்பட்டுள்ளது
தமிழ்நாடு பழங்குடியினர் நலத்துறை, தமிழ்நாட்டில் உள்ள பழங்குடியினர் மற்றும் ஆதி திராவிடர் சமூகங்களின் பாரம்பரிய தயாரிப்புகளுக்கான புவியியல் குறியீடு (GI) பதிவுக்காக அனுபவம் வாய்ந்த ஆலோசகர்கள் மற்றும் முகமைகளிடமிருந்து ஆர்வ வெளிப்பாடுகளை (EoI) அழைக்கிறது.
சமூக நீதித் துறையின் கீழ் பள்ளி மாணவர்களுக்கான போட்டித் தேர்வுகளுக்கான சிறப்புப் பயிற்சி – முன்னணி பயிற்சி நிறுவனங்களிடமிருந்து விருப்பம் தெரிவிக்கும் விண்ணப்பங்கள் வரவேற்கப்படுகின்றன
தமிழ்நாடு முழுவதும் உள்ள ஆதி திராவிடர் மற்றும் பழங்குடியினர் நலப் பள்ளிகளைச் சேர்ந்த 11 மற்றும் 12 ஆம் வகுப்பு மாணவர்களுக்கு JEE, NEET, CUET மற்றும் CLAT போன்ற போட்டித் தேர்வுகளுக்கான சிறப்புப் பயிற்சி அளிக்க முன்னணி பயிற்சி நிறுவனங்களிடமிருந்து விருப்பம் தெரிவிக்கும் விண்ணப்பங்கள் (EoI) வரவேற்கப்படுகின்றன.
தமிழ்நாடு பழங்குடியினர் நல இயக்குநரகத்தில் (Directorate of Tribal Welfare) துறைசார் நிபுணர்களாக (Subject Matter Experts) மானுடவியலாளர்களிடமிருந்து விண்ணப்பங்கள் வரவேற்கப்படுகின்றன.
தமிழ்நாடு பழங்குடியினர் நல இயக்குநரகம், பழங்குடியினர் தொடர்பான ஆராய்ச்சி, ஆவணப்படுத்தல், கொள்கை உருவாக்கம், திட்ட மதிப்பீடு மற்றும் திறன் மேம்பாடு பணிகளுக்காக மானுடவியலில் துறைசார் நிபுணர்களிடமிருந்து விண்ணப்பங்களை வரவேற்கிறது.
ஆதிதிராவிடர் மற்றும் பழங்குடியினர் எழுத்தாளர்களின் இலக்கியப் படைப்புகளுக்கு நிதியுதவி
ஆதிதிராவிடர் மற்றும் பழங்குடியினர் கலை, இலக்கிய மேம்பாட்டுச் சங்கம் மூலம் சிறந்த இலக்கிய படைப்புகளை எழுதிய 11 எழுத்தாளர்களுக்கு தலா ரூ.1,00,000/- நிதி உதவி வழங்கப்படுகிறது.
பழங்குடியின இளைஞர்களின் பொருளாதார மேம்பாட்டிற்காக கனரக வாகன ஓட்டுநர் பயிற்சி: தமிழ்நாடு பழங்குடியினர் நலத்துறை மற்றும் ஐ.ஆர்.டி கும்மிடிப்பூண்டி இணைந்து நடத்திய திட்டத்தில் 100% வேலைவாய்ப்பு!
பழங்குடியின இளைஞர்களின் வேலைவாய்ப்புத் திறனை அதிகரித்து, அவர்களின் வாழ்வாதாரத்தை மேம்படுத்தும் நோக்கில், தமிழ்நாடு அரசின் பழங்குடியினர் நலத்துறை மற்றும் கும்மிடிப்பூண்டியில் உள்ள அரசு சாலைப் போக்குவரத்து நிறுவனம் (IRT) இணைந்து "தொல்குடி தொடுவானம்" திட்டத்தின் கீழ் முதற்கட்டமாக 16 பழங்குடியின இளைஞர்களுக்கு "கனரக மோட்டார் வாகனம்" (Heavy Motor Vehicle - HMV) ஓட்டுநர் பயிற்சி அளிக்கப்பட்டு, ஓட்டுநர் உரிமத்துடன் பொது வில்லை (PSV-Badge) வெற்றிகரமாக வழங்கப்பட்டுள்ளது.
2026-2027 ஆம் கல்வி ஆண்டிற்க்கான இணையவழி பொது மாறுதல் கலந்தாய்வு - பழங்குடியினர் நலத்துறை
2026-2027 ஆம் கல்வி ஆண்டிற்க்கான பழங்குடியினர் நலத்துறையின் கீழ் இயங்கும் அரசுப் பள்ளிகளில் பணிபுரியும் பல்வேறு ஆசிரியர் மற்றும் பணியாளர்களுக்கான இணையவழி பொது மாறுதல் கலந்தாய்வு 22.06.2026 மற்றும் 23.06.2026 ஆகிய இரு நாட்கள் நடைபெறும். இணையவழியில் விண்ணப்பித்தவர்கள் மட்டுமே கலந்தாய்வில் பங்கேற்க தகுதியானவர்கள்.
மாண்புமிகு சமூக நீதித் துறை அமைச்சர் அவர்கள் இன்று 22.05.2026 தலைமைச் செயலகத்தில் அமைச்சராக பதவியேற்பு – செய்தி வெளியீடு
மாண்புமிகு சமூக நீதித் துறை அமைச்சர் அவர்கள் இன்று 22.05.2026 அன்று பதவியேற்று, ஆதிதிராவிடர் மற்றும் பழங்குடியினர் சமூகத்தினருக்கான நலத்திட்டங்களுக்கு குறிப்பிடத்தக்க நிதியுதவிகளுக்கு ஒப்புதல் அளித்தார். இதில் முதலமைச்சரின் ஆதிதிராவிடர் மற்றும் பழங்குடியினர் சமூகப் பொருளாதார மேம்பாட்டிற்கான தொழில் முனைவு திட்டம், கிராம அறிவுசார் மையங்கள் அமைத்தல் மற்றும் மாணவியர் விடுதிகள் கட்டுதல் ஆகியவை அடங்கும்.
ஆதிதிராவிடர் மற்றும் பழங்குடியினர் நலப் பள்ளிகளில் 2025-26 ஆம் கல்வி ஆண்டில் பத்தாம் வகுப்பு பொதுத் தேர்வில் அதிக தேர்ச்சி - செய்தி வெளியீடு
2025-26 ஆம் கல்வியாண்டில் பத்தாம் வகுப்பு பொதுத் தேர்வுகளில் ஆதிதிராவிடர் நலப்பள்ளிகளின் மாணக்கர்களின் தேர்ச்சி விகிதம் 91.42 சதவீதமாகவும், இது முந்தைய ஆண்டை விட அதிகமாகும். மேலும், பழங்குடியினர் நலப் பள்ளிகளில் 96.66 சதவீத தேர்ச்சி விகிதம் முந்தைய ஆண்டை விட மூன்று சதவீதம் அதிகமாகும், இது மாநிலத்தின் மொத்த தேர்ச்சி விகிதமான 94.31 சதவீதத்தினை காட்டிலும் அதிகமாகும்.