கல்வி மற்றும் வேலைவாய்ப்பு
தமிழ்நாடு பள்ளி கல்வி, உயர்கல்வி, பல்கலைக்கழகங்கள், TNPSC தேர்வுகள், திறன் மேம்பாடு மற்றும் வேலைவாய்ப்பு செய்திகள்.
தமிழ்நாடு அரசின் நட்புடன் உங்களோடு திட்டத்தில் மனநல ஆலோசனைப் பெற கட்டணமில்லா தொலைபேசி எண் 14416 அல்லது 104 அழைக்கவும்
மாணவர்களின் மன உறுதி மற்றும் மனநலத்தைப் பாதுகாக்க, தமிழ்நாடு அரசின் "நட்புடன் உங்களோடு" திட்டம் மூலம் தொலைபேசி வழியாக மனநல ஆலோசனைகள் தொடர்ந்து வழங்கப்படுகின்றன. நீட் மறுதேர்வு சமயத்தில், மாணவர்கள் மற்றும் பெற்றோர்கள் 14416 அல்லது 104 என்ற கட்டணமில்லா எண்களைத் தொடர்பு கொண்டு பயிற்சி பெற்ற ஆலோசகர்கள் மற்றும் மருத்துவர்களிடமிருந்து ஆலோசனைகளைப் பெறலாம்.
தமிழ்நாடு அரசின் யு.பி.எஸ்.சி முதன்மைத் தேர்வுக்கான ஊக்கத்தொகைத் திட்டம் அறிவிப்பு - 2026
தமிழ்நாடு அரசு 2026-ஆம் ஆண்டு யு.பி.எஸ்.சி முதன்மைத் தேர்வுகளுக்கான ஊக்கத்தொகைத் திட்டத்தை அறிவித்துள்ளது. இத்திட்டத்தின் கீழ், முதல்நிலைத் தேர்வில் தேர்ச்சி பெற்ற தமிழ்நாட்டைச் சேர்ந்த மாணவர்களுக்கு ரூ.25,000 வழங்கப்படும்.
பழங்குடியின இளைஞர்களின் பொருளாதார மேம்பாட்டிற்காக கனரக வாகன ஓட்டுநர் பயிற்சி: தமிழ்நாடு பழங்குடியினர் நலத்துறை மற்றும் ஐ.ஆர்.டி கும்மிடிப்பூண்டி இணைந்து நடத்திய திட்டத்தில் 100% வேலைவாய்ப்பு!
பழங்குடியின இளைஞர்களின் வேலைவாய்ப்புத் திறனை அதிகரித்து, அவர்களின் வாழ்வாதாரத்தை மேம்படுத்தும் நோக்கில், தமிழ்நாடு அரசின் பழங்குடியினர் நலத்துறை மற்றும் கும்மிடிப்பூண்டியில் உள்ள அரசு சாலைப் போக்குவரத்து நிறுவனம் (IRT) இணைந்து "தொல்குடி தொடுவானம்" திட்டத்தின் கீழ் முதற்கட்டமாக 16 பழங்குடியின இளைஞர்களுக்கு "கனரக மோட்டார் வாகனம்" (Heavy Motor Vehicle - HMV) ஓட்டுநர் பயிற்சி அளிக்கப்பட்டு, ஓட்டுநர் உரிமத்துடன் பொது வில்லை (PSV-Badge) வெற்றிகரமாக வழங்கப்பட்டுள்ளது.
அரசு மற்றும் அரசு உதவி பெறும் கல்வியியல் கல்லூரிகளின் பி.எட் / முது நிலை மாணாக்கர் சேர்க்கைக்கான இணையதள விண்ணப்பப் பதிவு மாண்புமிகு உயர்கல்வித் துறை அமைச்சர் திரு.பெ.விஸ்வநாதன் அவர்கள் தகவல்
அரசு மற்றும் அரசு உதவிபெறும் கல்வியியல் கல்லூரிகளில் 2026-2027 ஆம் கல்வியாண்டிற்கான பி.எட் மற்றும் முதுநிலைப் பாடப்பிரிவு மாணாக்கர் சேர்க்கைக்கான விண்ணப்பப் பதிவு, தரவரிசைப் பட்டியல் வெளியீடு மற்றும் வகுப்புகள் தொடங்கும் தேதிகள் குறித்து உயர்கல்வித் துறை அமைச்சர் திரு.பெ.விஸ்வநாதன் தகவல் தெரிவித்துள்ளார்.
முதலமைச்சரின் பசுமைப் பணியாளர்களுக்கான காலநிலை மாற்றம் மற்றும் நிலைத்தன்மையில் முதல் முதுகலை பட்டயப் படிப்பை தமிழ்நாடு அறிமுகப்படுத்தியது
முதலமைச்சரின் பசுமைப் பணியாளர்களுக்காக சிறப்பாக வடிவமைக்கப்பட்ட காலநிலை மாற்றம் மற்றும் நிலைத்தன்மையில் முதல் முதுகலை பட்டயப் படிப்பை அண்ணா பல்கலைக்கழகத்துடன் இணைந்து தமிழ்நாடு அறிமுகப்படுத்தியுள்ளது.
தூத்துக்குடியில் சுமார் ரூ.38,000 கோடி முதலீட்டில் 15,000 நபர்களுக்கு வேலைவாய்ப்பு கிடைக்கும் வகையில் அமைக்கப்படவுள்ள அதிநவீன கப்பல் கட்டுமானத் திட்டம் தொடர்பாக மாண்புமிகு தமிழ்நாடு முதலமைச்சர் திரு. ச. ஜோசப் விஜய் அவர்களுடன் HD KSOE நிறுவனத்தின் உயர்மட்ட அலுவலர்கள் சந்திப்பு
தூத்துக்குடியில் ரூ.38,000 கோடி முதலீட்டில், 15,000 வேலைவாய்ப்புகளை உருவாக்கும் அதிநவீன கப்பல் கட்டுமானத் திட்டம் குறித்து தமிழ்நாடு முதலமைச்சர் திரு. ச. ஜோசப் விஜய் அவர்களுடன் HD KSOE நிறுவன அதிகாரிகள் சந்திப்பு.
2026-2027 ஆம் கல்வி ஆண்டிற்க்கான இணையவழி பொது மாறுதல் கலந்தாய்வு - பழங்குடியினர் நலத்துறை
2026-2027 ஆம் கல்வி ஆண்டிற்க்கான பழங்குடியினர் நலத்துறையின் கீழ் இயங்கும் அரசுப் பள்ளிகளில் பணிபுரியும் பல்வேறு ஆசிரியர் மற்றும் பணியாளர்களுக்கான இணையவழி பொது மாறுதல் கலந்தாய்வு 22.06.2026 மற்றும் 23.06.2026 ஆகிய இரு நாட்கள் நடைபெறும். இணையவழியில் விண்ணப்பித்தவர்கள் மட்டுமே கலந்தாய்வில் பங்கேற்க தகுதியானவர்கள்.
அகில இந்தியக் குடிமைப் பணித் தேர்வுப் பயிற்சி மையத்தில் குடிமைப் பணிகளுக்கான முதன்மைத் தேர்வுக்கான பயிற்சி
அகில இந்திய குடிமைப்பணித் தேர்வுப் பயிற்சி மையத்தில், குடிமைப்பணி முதல்நிலைத் தேர்வில் தேர்ச்சிப் பெற்றுள்ள 225 ஆர்வலர்களுக்கு முதன்மைத் தேர்வுப் பயிற்சி வழங்கப்படும். பயிற்சி காலத்தில் ரூ.9,000/- ஊக்கத்தொகை வழங்கப்படும். விண்ணப்பம் மற்றும் சேர்க்கை குறித்த விவரங்கள் இணையதளத்தில் வெளியிடப்படும்.
தமிழ்நாடு அரசு எம்.ஜி.ஆர் திரைப்படம் மற்றும் தொலைக்காட்சிப் பயிற்சி நிறுவனத்தில் இளங்கலை காட்சிக்கலை படிப்புகளுக்கான மாணவர் சேர்க்கை விண்ணப்ப காலக்கெடு நீட்டிப்பு
தமிழ்நாடு அரசு எம்.ஜி.ஆர் திரைப்படம் மற்றும் தொலைக்காட்சிப் பயிற்சி நிறுவனத்தில் 2026-2027 ஆம் கல்வி ஆண்டிற்கான இளங்கலை காட்சிக்கலை படிப்புகளின் மாணவர் சேர்க்கைக்கான விண்ணப்ப காலக்கெடு நிர்வாக காரணங்களுக்காக 21.06.2026 மாலை 5.00 மணி வரை நீட்டிக்கப்பட்டுள்ளது.
ஜூன் 26 - சர்வதேச போதைப்பொருள் எதிர்ப்பு நாளை முன்னிட்டு தமிழ்நாடு விளையாட்டு மேம்பாட்டு ஆணையம் சார்பில் "ஸ்டாட் Run, ஸ்டாப் Drugs போதைப்பொருள் எதிர்ப்பு ஓட்டம்" ஆர்வமுள்ள மாணவர்கள், இளைஞர்கள், விளையாட்டு வீரர்கள், பொதுமக்கள் விரைந்து பதிவு செய்ய அழைப்பு
சர்வதேச போதைப்பொருள் எதிர்ப்பு மற்றும் சட்டவிரோத கடத்தல் தினமான ஜூன் 26 ஆம் நாளை முன்னிட்டு, தமிழ்நாடு விளையாட்டு மேம்பாட்டு ஆணையம் சார்பில் 'ஸ்டாட் Run, ஸ்டாப் Drugs' போதைப்பொருள் எதிர்ப்பு விழிப்புணர்வு ஓட்டம் நடத்தப்படுகிறது. இதில் பங்கேற்க மாணவர்கள், இளைஞர்கள், விளையாட்டு வீரர்கள் மற்றும் பொதுமக்கள் அழைக்கப்படுகிறார்கள்.
தொழிற்பயிற்சி நிலையங்களில் (ITI) பயிற்சியாளர்கள் நேரடி சேர்க்கை
2026-2027 ஆம் ஆண்டு கலந்தாய்வுக்கான கால அவகாசம் 13.06.2026 உடன் நிறைவடைந்த நிலையில், மாணவர்களின் நலன் கருதி தொழிற்பயிற்சி நிலையங்களில் நேரடி சேர்க்கைக்கான கால அவகாசம் 30.06.2026 வரை வழங்கப்பட்டிருக்கிறது.
முதலமைச்சரின் காலை உணவுத் திட்டம் செப்டம்பர் 17 அன்று பெரியார் பிறந்தநாளில் 6-8 ஆம் வகுப்பு மாணவர்களுக்கு விரிவாக்கம் செய்யப்படும் – சமூகநலன் மற்றும் மகளிர் உரிமைத்துறை ஆய்வுக் கூட்டத்திற்குப் பின் அறிவிப்பு.
சமூகநலன் மற்றும் மகளிர் உரிமைத்துறை ஆய்வுக் கூட்டத்திற்குப் பிறகு, முதலமைச்சரின் காலை உணவுத் திட்டம் 6 முதல் 8 ஆம் வகுப்பு மாணவர்களுக்கு செப்டம்பர் 17 முதல் விரிவாக்கப்படும் என முதலமைச்சர் அறிவித்தார்.